Misemo 24:13 - Digo Bible

¹³ Mwanangu, rya asali mana ni nono, na phalala ra nyuchi uchiritata ri mtswano.

Misemo 24:13 Iomraidhean Croise

Zaburi 119:103

Manenogo ga mtswano sana kpwangu, ga mtswano kuriko asali!

Zaburi 19:10

Gago ganatamanika kuriko zahabu, tsona zahabu iriyoswafi zaidi. I mtswano kushinda asali itwenayo kula phalalani.

Misemo 16:24

Maneno mazuri ni dza asali, ga mtswano moyoni na ganareha afya mwirini.

Misemo 25:16

Uchiphaha asali, rya ya kukutosha, sedze ikakukinai ukaiaphika.

Misemo 25:27

Viratu isivyo vinono kurya asali nyinji, na sivyo kudzitakira nguma mwenye.

Misemo 27:7

Mutu wa kumvuna nkukinai asali ela ariye na ndzala chakurya chirichoutsungu kpwakpwe chimtswano.

Wira wa Selemani 4:11

Aa! Wende wangu, madomogo ga mtswano, maziya na asali i mwako lilimini, na kungu nono ya nguwozo ni dza ya Lebanoni.

Wira wa Selemani 5:1

Nredza kpwangu mundani, mwenehu mchetu, wende wangu. Nikakusanya manemane phamwenga na vilungo vyangu, nikarya phalala ra asali yangu ya mtswano, nkanwa uchi wangu wa zabibu na maziya gangu. Toshekani na mendzwa! Mnaomendzana, nwani sana mendzwa. Inweni kukolwa!

Isaya 7:15

Andarya maziya ga mtindi na asali hadi ndiphoweza kurema mai na kutsambula manono.

Mathayo 3:4

Johana wavwala vwazi rotengezwa na nyoya za ngamia, na kala achidzifunga mkanda wa chingo chibiruni. Chakuryache chakala ndzije na asali.

Aamuli 14:9

Samsoni waheka hira asali na mikonoye achikala anairya kuno anaphiya. Ariphogbwirana na ise na nine waaganyira hira asali, ela kayaambira kukala akaiphaha kula kpwa rira lufu ra simba.

1 Samueli 14:27

Ela Jonathani kpwa vira kayakalapho hipho ise ariphorisa atu chirapho, phahi ye wagolosa tsa ya fwimbo yokala mwakpwe mkpwononi achitsotsa phalala ra asali, chisha achitiya mkpwonowe mromoni na achiphaha mkpwotse.