Misemo 24:12 - Digo Bible

¹² Chisha usiambe, “Swino taugamanyire higo!” Mana Mlungu achunguzaye mioyo anakuona, Ye arindaye rohoyo anamanya unamanya, naye andaripha chila mmwenga sawa-sawa na mahendoge.

Misemo 24:12 Iomraidhean Croise

Ayubu 34:11

Mana andamripha mutu kulengana na kaziye, na andamriphiza mutu kulengana na njiraze.

Zaburi 121:3

Kandakuricha ukpwale, iye akurindaye kakuka.

Zaburi 121:8

Mwenyezi Mlungu andakurinda chila utulukapho na uinjirapho, vi sambi hata kare na kare.

Zaburi 17:3

Uwe ukanedzera usiku, ukanichunguza ukakuta sina uyi wowosi, mana nkaamuwa kusahenda dambi na kanwa yangu.

Zaburi 44:21

dze, Mlungu kangegamanya? Mana iye anamanya siri za moyoni.

Zaburi 62:12

na piya mendzwa isiyosika ni yako uwe, Mwenyezi Mlungu. Mana uwe unamripha mwanadamu kulengana na mahendoge.

Zaburi 66:9

Ambaye akaniika kahi za ario moyo na karichire magulu gehu gakaereza.

Zaburi 7:9

Ee Mlungu wa haki, umanyaye siri za mioyo, na maazo ga atu, komesa fujo ra atu ayi na uimarishe enye haki.

Zaburi 94:9

Dze, ye ariyeumba sikiro, akale kasikira? Ye ariyeumba dzitso, akale kaona?

Misemo 12:14

Mutu anaweza kufanikishwa ni manenoge, dza vira kazi ya mikono inavyoweza kureha fwaida.

Misemo 16:2

Mutu nkuona mahendoge ga sawa, ela Mwenyezi Mlungu ndiye achunguzaye moyo wa atu.

Misemo 21:2

Mutu mwakpwe moyoni nkudziona anaphiya sawa-sawa, ela Mwenyezi Mlungu ndiye achunguzaye moyo.

Misemo 5:21

Mana ahendago mwanadamu gosi ganaonewa ni Mwenyezi Mlungu, iye anachunguza njira zosi.

Misemo 5:22

Mutu mui andachengbwa ni uyiwe mwenye; andafungbwa na mkpwowa wa dambize mwenye.

Muhubiri 5:8

Usiangalale uchiona achiya anaonerwa na kulafiwa haki yao kpwenye tsi, mana chila ariye na cheo anatetewa ni mkpwulu wanjina ariye dzuluye, na dzulu ya aho osi kuna mkpwulu zaidi anayeahehera.

Jeremia 17:10

Mimi Mwenyezi Mlungu ndimi nchunguzaye achili za mwanadamu na kupima moyowe. Na kumuhendera chila mutu kulengana na tabiyaze na mahendoge.”

Jeremia 32:19

Ushaurio na mahendogo ni makulu. Uwe unaona gosi gahendwago ni anadamu, uwe ukutuza chila mutu kulengana na tabiyaze na mahendoge.

Sonono za Jeremia 3:36

na kufungbwa wakati taana makosa, ikale Mwenyezi Mlungu kaona gosi higo?

Danieli 5:23

Ela ukadziunula chinyume na Mwenyezi Mlungu wa mlunguni nawe ukareherwa miyo ya nyumba ya kuvoya Mlungu, chisha uwe, vilongozio, acheo na anachetuo mkainwerera uchi. Mukatogola milungu ya feza na zahabu, ya shaba, chuma na mawe, milungu isiyoona, kusikira wala kumanya. Ela ye Mlungu ambaye kuphuma kpwenu na njira zenu zi mwakpwe mkpwononi, tamukamuishimu.

Mathayo 16:27

Mana mimi, Mutu Yela Mlunguni, ndakpwedza phamwenga na malaika angu. Ndakpwedza na utukufu ulao kpwa Baba. Na hipho ndipho ndiphomripha chila mmwenga kulengana na mahendoge.

Mahendo 17:28

Mana, kama mmwenga wenu vyoamba, ‘Ndiye ahuphaye uzima, na anahupha uwezo wa kunyendeka na kuishi.’ Tsona atu enu a kuandika mashairi aamba, ‘Sisi piya hu anae.’

Arumi 2:16

Na kulengana na hizo habari nono nitangazazo, wakati wa uamuli, Mlungu andamuika Masihi Jesu aamule mambo ga atu garigo siri.

Arumi 2:6

Wakati hinyo Mlungu andamripha chila mmwenga kulengana na mahendoge.

1 Akorintho 4:5

Kpwa hivyo msihukumu chochosi kabila ya wakatiwe. Godzani hadi Bwana Jesu ndiphokpwedza. Iye ndiye ndeika wazi mambo gofwitswa jizani na kuika wazi nia za mioyo ya atu. Na ndipho chila mmwenga andaphaha sifwaye anayostahili kula kpwa Mlungu.

2 Akorintho 5:10

Kpwa mana swiswi hosi hundaima mbere za Jesu ili huhukumiwe. Naye chila mmwenga andariphiwa kulengana na mambo arigohenda wakati phokala asegere hipha duniani, gakale ni manono au mai.

Maono 1:18

Phundza, mimi ndimi uzima! Kala nkafwa ela vino ni mzima hata kare na kare! Na ndimi nriye na funguwo za Chifo na kuzimu.

Maono 2:18

Kuhusu malaika wa afuasi a mudzi wa Thiatira iye waamba hivi, “Muandikire malaika wa afuasi a Thiatira. Iye muambe hivi, ‘Mimi ndimi Mwana wa Mlungu. Nina matso dza jimbijimbi ra moho na nyayo za kungʼala-ngʼala dza shaba ya kuera. Hebu phundzani nagokuambirani!

Maono 2:23

Tsona nindaolaga afuasie. Ndipho afuasi osi a Jesu andamanya kala mimi namanya moyo na achili za chila mutu. Chila mmwenga nindamripha kulengana na mahendoge.

Maono 22:12

Chisha nchiambwa, “Jesu anaamba, ‘Hebu niphundza vinono, mino nredza vi sambi. Nami niredza nimriphe chila mutu kulengana na mahendoge.

1 Samueli 16:7

Ela Mwenyezi Mlungu achimuambira Samueli, “Usimlole usowe wala chimoche. Mino nkamrema kpwa mana sihenda mambo dza anadamu. Anadamu nkulola unono wa kondze, ela Mwenyezi Mlungu nkulola moyo urivyo.”

1 Samueli 2:3

Richani kugomba na ngulu hivyo; Kudzikarya kusituluke mwenu miromoni; Kpwa kukala Mwenyezi Mlungu ni Mlungu wa marifwa, Naye mahendo nkugapima kpwa chipimo.

1 Samueli 2:6

Mwenyezi Mlungu nkuolaga na nkuyiza moyo; Nkutsereza hadi kuzimu, chisha ndiye alavyaye mutu kula kuzimu.

1 Samueli 25:29

Dzagbwe kuna atu anaokuindza akuolage, Mwenyezi Mlungu, Mlunguo andakurinda. Ela roho za avihao ndizo andazitsupha dza mutu atsuphavyo dziwe na tero.