Misemo 23:28 - Digo Bible

²⁸ Ye nkupweka dza mnyangʼanyi, nkusababisha alume anji kukosa uaminifu kpwa achetu ao.

Misemo 23:28 Iomraidhean Croise

Mwandzo 39:10

Dzagbwe wamchenga-chenga Yusufu chila siku, ela Yusufu kayakubali kulala naye wala kukala phephi naye.

Misemo 22:14

Mromo wa mdiya ni dibwa dzire, azirwaye ni Mwenyezi Mlungu andatubwika himo.

Misemo 6:26

Malaya andakurehera uchiya, mchetu mzindzi nkuindza maishago ambago ni ga samani.

Misemo 7:10

Gafula yuya mchetu wakpwedzamsengerera yuya mvulana, naye akavwala mavwazi ga umalaya, ana mipango ya udiya.

Misemo 7:12

Mara a njirani, kano a cheteni, naye kakosekana chipembeni mwa njira anaoteya.

Misemo 9:18

Ela azuzu taamanya himo ndani muna nyufu, na ajeni ariomenya mwa mchetu hiye pha sambi a kuzimu.

Muhubiri 7:26

Chitu chimwenga ambacho námanya chiutsungu zaidi ya chifo ni hichi: ni mchetu ambaye ni dza muhego, ambaye moyowe ni dza chimia na mikonoye ni dza silisili. Mutu ammendzaye Mlungu andadzitivya na mchetu iye, ela mwenye dambi andagbwirwa.

Jeremia 3:2

Unula usoo ulole mizuka ko myangoni! Kuna phatu ambapho kudzangbwedzinajisi kpwa kuabudu vizuka? Wasagala kanda-kanda za njira kugodzera azembeo dza Mwarabu atangaye-tangaye ko jangbwani. Tsi ukaitiya najisi kpwa umalayao na mahendogo mai.

Hosea 4:11

na akadzitiya umalaya, uchi mufu na uchi muitsi ambao nkuusa ufahamu.

Isabu 25:1

Wakati Aiziraeli ariphokala Shitimu, alume ahenda udiya na achetu a Moabu.

1 Akorintho 10:8

Nahusihende udiya dza akare ehu anjina arivyokala, na achifwa atu elufu mirongo miiri na tahu siku mwenga.