Misemo 22:18 - Digo Bible

¹⁸ Mana ni vinono maneno higa gachikala mwako moyoni, tsona chila mara gakale tayari mwako mromoni.

Misemo 22:18 Iomraidhean Croise

Zaburi 119:103

Manenogo ga mtswano sana kpwangu, ga mtswano kuriko asali!

Zaburi 119:111

Malagizogo ni urisi wangu wa kare na kare, gago ndigo gahamirago mwangu moyoni.

Zaburi 119:13

Kpwa raka ra dzulu ninasemurira malagizogo gatulukago mwako kanwani.

Zaburi 119:162

Ninahamirwa ni nenoro, dza mutu achiyeteka mali nyinji.

Zaburi 119:171

Madomo gangu nagakutogole, mana uwe unanifundza shariyazo.

Zaburi 19:10

Gago ganatamanika kuriko zahabu, tsona zahabu iriyoswafi zaidi. I mtswano kushinda asali itwenayo kula phalalani.

Misemo 10:13

Maneno ga ikima gala mromoni mwa mwenye achili, ela asiye achili andapigbwa fwimbo ya mongo.

Misemo 10:21

Maneno ga enye haki ganafwaidi atu anji, ela azuzu aolagbwa ni kukosa achili.

Misemo 15:7

Mromo wa mutu wa achili nkueneza marifwa, ela mzuzu kaweza.

Misemo 16:21

Mutu wa ikima andamanywa na achilize na mutu amanyaye kugombato andavweha atu adzifundze.

Misemo 2:10

Mana ikima indainjira mwako moyoni, na marifwa gandafwahira nafusiyo.

Misemo 22:19

Nimendzaye kumfundza rero hasa ni uwe, ili kuluphiroro rikale kpwa Mwenyezi Mlungu.

Misemo 25:11

Neno rilaviwaro wakati wa kufwaha ni dza matunda ga zahabu kpwenye chano cha feza.

Misemo 3:17

Njiraze ni nono, zosi zinaelekea kpwenye amani.

Misemo 4:20

Mwanangu, phundza ninagokuambira, hega sikiro uphundze nigombago.

Misemo 4:21

Higa usigariche bii, ela gaike mwako moyoni.

Misemo 8:6

Niphundzani mana nigombaro ni dzambo muhimu na mwangu mromoni munatuluka mambo ga haki.

Jeremia 15:16

Uriphogomba nami, nasikira manenogo, nago gachihenda nikale na raha, mana ninaihwa kpwa dzinaro, Ee Mwenyezi Mlungu, Mlungu wa majeshi.

Malaki 2:7

Mana alavyadzi-sadaka analondwa atundzeto marifwa na atu analondwa aphiye kpwao akafundzwe shariya mana alavyadzi-sadaka ni ahumwa a Mwenyezi Mlungu, Mlungu wa majeshi.

Johana 7:38

Mutu yeyesi anikuluphiraye, vidzuho vya madzi ga uzima vindatuluka kula mwakpwe moyoni, kama Maandiko gagombavyo.”

Aeburania 13:15

Phahi nahumtogoleni Mlungu na kutangaza ngumaze wakati wosi. Mana iyo ndiyo njira ya kumlavira sadaka zehu kutsupira Jesu.