Misemo 21:8 - Digo Bible

⁸ Mutu wa dambi tabiyaye i komakoma, ela tabiya ya mutu wa moyo swafi i sawa-sawa.

Misemo 21:8 Iomraidhean Croise

Mwandzo 6:12

Mlungu wailola dunia na achiiona kukala ikabanangika kpwa mana chila mutu kala analunga njiraze mbii.

Misemo 15:26

Mwenyezi Mlungu nkuzira maazo ga atu ayi, ela anafwahirwa ni maneno ga atu ario swafi.

Misemo 2:15

atu ambao mahendo gao ni mai, na njira zao taziaminika.

Misemo 21:9

Baha kuishi chipembeni, dzulu ya dari kuriko kuishi ndani ya nyumba nono na mchetu wa chibako.

Misemo 30:12

Kuna atu ambao nkudziona swafi phao matsoni, ela uchafu wao taudzangbwesafishwa.

Muhubiri 7:29

Lola, hiri ndiro nriromanya kukala Mlungu wamuumba mwanadamu akale wa haki, ela nyo enye nkuhenda gara alondago.

Muhubiri 9:3

Dzambo ra kukala atu osi mwisho wao ni mmwenga ni dzii sana. Ndiyo mana atu taana makini kuhenda manono, badalaye nkuamua kuishi dza atu a koma, kpwa kukala taana kuluphiro. Mana mwisho andafwa.

Isaya 26:7

Njira za mutu wa haki zi sawa-sawa. Uwe Mwenyezi Mlungu ukuhenda njira za mwenye haki zikagoloka.

Isaya 59:8

Taamanya kuishi kpwa amani, na taphana uamuli wa haki, kahi yao. Adzitengezera njira za kumyoka. Chila atsupiraye njira zizo, kandaishi kpwa amani tsona.

Danieli 12:10

Atu anji andatsuswa, ahendwe asikale na ila na atakaswe, ela atu ayi andaenderera kuhenda uyi. Nyo atu ayi taandaelewa, ela nyo a ikima andaelewa.

Mathayo 12:33

Jesu achienderera kugomba, achiamba “Mchiroroma muhi vinono mundaphaha matunda manono, ela msiphouroroma vinono, mundaphaha matunda mai. Mana muhi nkumanyikana kpwa matundage.

Mathayo 5:8

Baha ario na moyo swafi, mana andamuona Mlungu.

Mahendo 15:9

Mlungu kayaika tafwauti ya swiswi Ayahudi na asio kala Ayahudi, ela hosi wahuswamehe dambi zehu kpwa mana hwamkuluphira Jesu.

1 Akorintho 3:3

mana bado munalongozwa ni tamaa zenu za chibinadamu. Bado munaonerana wivu na kuheha enye kpwa enye. Kpwa kpweli mambo higo ganaonyesa kukala mcherelongozwa ni tamaa zenu za chibinadamu.

Tito 1:15

Chila chitu ni chiswafi kpwa atu ario asafi, ela takuna chiricho chiswafi kpwa hara ario najisi na asiokuluphira, mana achili zao na zamiri zao zaodzala uyi.

Tito 2:14

Wadzilavya ili ahukombole na uyi wosi na ahutakase hukale atue mwenye, ario na hamu ya kuhenda manono.

Tito 3:3

Mana kare swiswi hwakala azuzu, asiosikira na ariochengbwa. Hwakala atumwa a tamaa mbii-mbii na anasa za chila aina, hwaishi maisha mai ga wivu; atu ahureyera naswi huchiareyera.

Tito 3:5

Wahuokola, si kpwa sababu ya dzambo rorosi nono ra haki hurirorihenda, ela kpwa sababu ya mbazize. Wahuokola kpwa kuhutakasa huriphovyalwa mara ya phiri, na kpwa kuhupha maisha maphya kutsupira Roho Mtakatifu.

1 Johana 2:29

Kpwa vira mnamanya kala Jesu ni wa haki, phahi piya manyani kukala osi ahendao haki ni ana a Mlungu.

1 Johana 3:3

Phahi chila mmwenga wenu anayetarajiya kukala dza Jesu, ni akale bila ya lawama, dza viratu Jesu arivyo bila ya lawama.