Misemo 21:2 - Digo Bible

² Mutu mwakpwe moyoni nkudziona anaphiya sawa-sawa, ela Mwenyezi Mlungu ndiye achunguzaye moyo.

Misemo 21:2 Iomraidhean Croise

Ayubu 31:6

(Nanipimwe na mizani iriyo sawa-sawa, ili Mlungu amanye kukala sina makosa!)

Zaburi 36:2

Mui nkudzichenga mwenye iye nkuona uyiwe taundamanyikana na akahukumiwa.

Misemo 12:15

Azuzu nkudzihenda a sawa, ela mwenye achili nkuphokera mashauri.

Misemo 16:2

Mutu nkuona mahendoge ga sawa, ela Mwenyezi Mlungu ndiye achunguzaye moyo wa atu.

Misemo 16:25

Kuna njira ambayo mutu nkuona i sawa, ela mwishowe ni chifo.

Misemo 17:3

Ubora wa feza na zahabu nkupimwa na moho, ela Mwenyezi Mlungu ndiye apimaye moyo wa mutu.

Misemo 20:6

Atu anji anadai kukala ni asena anono, ela msena muaminifu kpweli-kpweli aphahikana kuphi?

Misemo 24:12

Chisha usiambe, “Swino taugamanyire higo!” Mana Mlungu achunguzaye mioyo anakuona, Ye arindaye rohoyo anamanya unamanya, naye andaripha chila mmwenga sawa-sawa na mahendoge.

Misemo 30:12

Kuna atu ambao nkudziona swafi phao matsoni, ela uchafu wao taudzangbwesafishwa.

Jeremia 17:10

Mimi Mwenyezi Mlungu ndimi nchunguzaye achili za mwanadamu na kupima moyowe. Na kumuhendera chila mutu kulengana na tabiyaze na mahendoge.”

Danieli 5:27

TEKELI, ukapimwa mizanini na ukaonekana ni mphepheya.

Luka 16:15

Phahi waambira, “Mwimwi munadzionyesa kpwa atu kala mu atu anono, ela Mlungu anamanya wazi mambo mai garigo mwenu mioyoni. Kpwa mana mambo gamuhendago mutu aonekane mzuri kpwa atu anjina, kpwa Mlungu ni mabaya.

Agalatia 6:3

Mutu yeyesi achidziona muhimu, na kumbavi si chochosi, phahi anadzichenga mwenye.

Jakobo 1:22

Msidzichenge mkaphundza neno bahi, ela hendani viratu neno riambavyo.

Maono 2:23

Tsona nindaolaga afuasie. Ndipho afuasi osi a Jesu andamanya kala mimi namanya moyo na achili za chila mutu. Chila mmwenga nindamripha kulengana na mahendoge.

1 Samueli 16:7

Ela Mwenyezi Mlungu achimuambira Samueli, “Usimlole usowe wala chimoche. Mino nkamrema kpwa mana sihenda mambo dza anadamu. Anadamu nkulola unono wa kondze, ela Mwenyezi Mlungu nkulola moyo urivyo.”