Misemo 21:12 - Digo Bible

¹² Iye wa haki, yani Mlungu, anamanya gaendererago ndani ya nyumba ya mutu mui na kpwa higo andamuangamiza.

Misemo 21:12 Iomraidhean Croise

Mwandzo 19:29

Phahi, siku hira Mlungu ariphoangamiza midzi ya tsi ya kugbwa mokala Lutu achisagala, watambukira voyo ra Burahimu na achimlavya Lutu wakati ariphobananga yo midzi.

Ayubu 5:3

Nikaona mpumbavu anaongokerwa, ela gafula makaloge gachilaniwa.

Ayubu 8:15

Nkujejemera nyo muhambo, ela tauazuwiya, nkuugbwira ngingingi ela tauaterya.

Zaburi 107:43

Yeyesi ariye na ikima naaririkane mambo higa, naaririkane kuhusu mendzwa ya Mwenyezi Mlungu isiyosika.

Zaburi 52:5

Ela Mlungu andakuangamiza hata kare na kare andakugbwira akutuluze mwako nyumbani andakuusa, usiishi tsona tsi ya ario moyo.

Misemo 13:6

Haki inarinda mutu aphiyaye njira za sawa, ela dambi inabananga atu ayi.

Misemo 14:11

Nyumba ya mutu mui indabomolwa, ela hema ra mwenye haki rindaimarishwa.

Misemo 14:32

Atu ayi nkuangamizwa ni dambi zao, ela enye haki ana tumaini hata bada ya kufwa.

Misemo 29:16

Atu ayi achitawala dambi nkuenjerezeka, ela enye haki andashuhudiya kuangamizwa kpwao.

Hosea 14:9

Mutu yeyesi ariye na ikima naaelewe, na hiye awezaye kutambuwa naamanye maneno gaga, mana njira za Mwenyezi Mlungu ni za haki, na enye haki andazilunga, ela aasi andakpwala agbwe mo njirani.

Amosi 4:11

“Naangamiza midzi yenu yanjina, dza nrivyoangamiza midzi ya Sodoma na Gomora. Nyo ariotiya kala ni dza chinga cha moho chichotuluzwa mohoni, ela tamuyaniuyira vivyo,” Mwenyezi Mlungu anaamba.

1 Akorintho 10:5

Ela Mlungu kayahamirwa bii ni anji a atu hinyo, kpwa hivyo afwa na miri yao ichienea hiko weruni.