Misemo 2:22 - Digo Bible

²² Ela atu ayi andatuluzwa kula ndani ya tsi, na asio aaminifu andangʼolwa.

Misemo 2:22 Iomraidhean Croise

1 Afalume 14:14

Tsona rero hino, Mwenyezi Mlungu andaika mfalume wanjina katika Iziraeli ambaye andaolaga atu a nyumba ya Jeroboamu.

1 Nyakati 10:13

Phahi Sauli wafwa kpwa ajili ya kusakala muaminifu kpwa Mwenyezi Mlungu, iye kagbwirire lagizo ra Mwenyezi Mlungu. Na tsona wakpwendaendza ushauri kpwa mganga wa mburuga,

Ayubu 21:30

kukala atu ayi andarichwa wakati wa mafwa na kutivywa siku ya tsukizi za Mlungu.

Zaburi 104:35

Enye dambi naauswe duniani, phasikale na atu ayi tsona! Mtogole Mwenyezi Mlungu, uwe roho yangu! Mtogole Mwenyezi Mlungu!

Zaburi 145:20

Mwenyezi Mlungu nkuarinda osi ammendzao, ela andaangamiza ayi osi.

Zaburi 37:20

Ela ahendao mai andaangamika. Maadui ga Mwenyezi Mlungu ni dza maruwa ga weruni, gandanyala ee gandaangamika dza mosi.

Zaburi 37:22

Mana ariojaliwa ni Mwenyezi Mlungu andarisi tsi, ela ariolaniwa ni Mwenyezi Mlungu andaangamizwa.

Zaburi 37:28

Mana Mwenyezi Mlungu anamendza uamuli wa haki, naye kandaricha atakatifue. Enye haki andaroromwa hata kare na kare ela chivyazi cha ahendao mai chindaangamizwa.

Zaburi 52:5

Ela Mlungu andakuangamiza hata kare na kare andakugbwira akutuluze mwako nyumbani andakuusa, usiishi tsona tsi ya ario moyo.

Zaburi 52:7

“Mloleni hiye ambaye kayamuhenda Mlungu chimbirirore, ela waadamira unji wa utajiriwe na achihenda maliye kukala chimbirirore.”

Misemo 10:30

Enye haki taandangʼoka kula kpwenye tsi yao, ela atu ayi taandasala bii.

Misemo 11:3

Atu a haki nkulongozwa ni ukamilifu wao na atu ayi akaangamizwa ni handzo rao.

Kumbukumbu 29:20

Mwenyezi Mlungu kandaswamehe mutu hiye, na tsukizize na wivuwe vindamuakira mutu hiye. Lana zosi zoandikpwa kpwenye chitabu hichi zindamphaha, naye Mwenyezi Mlungu andafuta tsetsetse dzina ra mutu hiye duniani.

Kumbukumbu 29:28

Naye Mwenyezi Mlungu, achiausa kula kpwenye tsi yao kpwa usiru na tsukizi nyinji, achiatsupha kpwenye tsi yanjina dza arivyo rero.’

Kumbukumbu 7:22

Mwenyezi Mlungu, Mlungu wenu, andazola atu a mataifa higa achache-achache mbere zenu kadiri munavyosengera mbere. Mwenyezi Mlungu kandakuruhusuni kugaolaga gosi mara mwenga, kpwa sababu muchihenda hivyo isabu ya nyama a tsakani indazidi na kukala dzambo ra hatari kpwenu.