Misemo 2:12 - Digo Bible

¹² Gago gandakutenga na njira za uyi, na atu a maneno ga kuangamiza.

Misemo 2:12 Iomraidhean Croise

Zaburi 101:4

Maazo mai nagakale kure nami sindahenda rorosi ririro iyi.

Zaburi 141:4

Usiriche moyo wangu ukaaza mai sedze nikahenda mambo mai, phamwenga na atu ahendao mai, wala kurya vyakurya vya sharee zao.

Misemo 10:32

Miromo ya enye haki igomba maneno ganagofwaha, ela miromo ya atu ayi inagomba machafu bahi.

Misemo 13:20

Mutu alunganaye na atu enye ikima naye andakala na ikima, ela alunganaye na azuzu andaphaha hasara.

Misemo 23:33

Matsogo gandaona mambo majeni, na manenogo gandakala ga koma.

Misemo 28:26

Mutu anayekuluphira achilize mwenye ni mzuzu, ela mutu aishiye kpwa ikima andakala salama.

Misemo 3:32

Mana atu ayi ntsukizo kpwa Mwenyezi Mlungu, ela ye nkuamini atu ambao njira zao zagoloka.

Misemo 6:12

Mutu mui, mutu asiyefwaha chitu, anadengereka na maneno ga ovyo.

Misemo 8:13

Kumuogopha Mwenyezi Mlungu ni kuzira uyi, mino názira ngulu na shobo, tabiya mbii na maneno mai.

Misemo 9:6

Richani uzuzu mphahe kuishi, lungani mambo ga achili.”

Mahendo 20:30

Piya kundazuka atu anjina mo mwenu kundini, agombe handzo, ili aahale afuasi a Jesu na aahende afuasi ao.

1 Akorintho 15:33

Msichengbwe ni atu anaogomba hivyo, kpwa sababu, “Usena uyi nkubananga tabiya nono.”

2 Akorintho 6:17

Piya Mwenyezi Mlungu anaamba, “Kpwa hivyo tulukani kahi yao, tsona mdzitenge nao. Msigute chochosi ambacho ni najisi, ndipho nindakuphokerani vinono.”