Misemo 19:15 - Digo Bible

¹⁵ Uvivu nkureha usingizi wa fungo, na mutu asiyelonda kuhenda kazi andagaya na ndzala.

Misemo 19:15 Iomraidhean Croise

Misemo 18:9

Mutu mvivu wa kazi ni sawa na mutu mʼbanandzi.

Misemo 19:24

Mutu mvivu nkutiya mkpwonowe ligani ela akashindwa kuutiya mromoni!

Misemo 20:13

Uchimendza usingizi undakala mchiya, kala matso, nawe undakala na chakurya chinji.

Misemo 22:13

Mutu mvivu nkuamba, “Ko kondze kuna simba, anaweza kuniolaga mo njirani.”

Misemo 23:21

Mana alevi na atoni andakala achiya na usingizi munji undakuvwika mademu-mademu.

Misemo 24:33

Lala vichache, senukira vichache, kundza mikono magoni, udzioyeze,

Misemo 31:27

Nkuchunguza kpwa makini mambo gosi gahendekago mwakpwe nyumbani, kamwe kasagala bure.

Misemo 6:11

Ndipho uchiya undakugbwavukira dza mnyangʼanyi, na kutsowa kundakpwedzera dza jaili.

Isaya 56:10

Arindzi a Iziraeli ni vipofu, osi taana maarifwa, osi ni madiya mabwibwi, tagaweza kupheka, ganadziambalaza na kuloha ndoso, ganamendza kulala.

Aefeso 5:14

Mwanga ndio uhendao vitu vionekane. Ndiyo mana atu nkuamba: “Lamuka we urereye! Ngʼalwa ni matso, wala usikale dza lufu. Naye Jesu andakungʼazira.”

2 Athesalonike 3:10

Mana hata huriphokala hosi hwakulagizani hiri: “Yeyesi ambaye ni mvivu wa kazi, naasirye.”