Misemo 18:1 - Digo Bible

¹ Mutu asiyelonda ga ayae anadziendzera fwaidaye mwenye, na nkupingana na chila ushauri mnono ahewao.

Misemo 18:1 Iomraidhean Croise

Kutsama 33:16

Ichikala kundaphiya naswi, atu andamanyadze kukala mimi phamwenga na atuo hunakuhamira? Ni chitu chani ambacho chindatafwautisha atuo kula kpwa kundi ra atu ririro duniani?”

Misemo 14:10

Chila mutu nkumanya utsungu wa moyowe, takuna mutu wanjina awezaye kumanya kuhererwakpwe.

Misemo 17:14

Mwandzo wa kuheha ni dza kuombola phatu phenye madzi manji, phahi richa kuvwehana usedze ukareha kondo.

Misemo 20:19

Mutu wa lisengenyo kaika siri, phahi dzitenge na mutu wa maneno ga chizuzu.

Misemo 20:3

Ni ishima mutu kudzitenga na makosano, azuzu tu ndio amendzao kuheha.

Misemo 24:21

Mwanangu, muogophe Mwenyezi Mlungu na mfalume, wala usigbwirane na aasi.

Misemo 26:17

Mutu adziinjizaye kpwenye maneno gasigokala gakpwe, ni dza agbwiraye masikiro ga diya asirorimanya.

Misemo 3:21

Mwanangu, gbwira ikima na uhende achili, usiviriche bii.

Misemo 8:14

Nina uwezo wa kushauri na ikima halisi, nina achili na nguvu.

Jeremia 15:17

Siyasagala phamwenga na anao kusherekeya, wala kuhenda kuhamirwa phamwenga nao, násagala machiyangu, mana mkpwonoo kala u phamwenga nami, mana kala ukaniodzaza tsukizizo.

Zakariya 7:3

Piya kala achauza alavyadzi-sadaka a nyumba ya Mwenyezi Mlungu, Mlungu wa majeshi na manabii kuamba, “Dze huenderere kusononeka na kufunga mwezi wa tsano dza vyo hurivyokala huchihenda miaka minji?”

Mathayo 13:11

Jesu waajibu achiamba, “Mwimwi mwaajaliwa kumanya siri za ufalume ambao Mlungu wanipha, ela hano ayawenu taayaajaliwa.

Mathayo 13:44

“Nindakuelezani vira ambavyo mutu anaweza kukubali ukpweli kunihusu na kukala mmwenga katika ufalume ambao Mlungu wanipha. Mutu mmwenga waona amana yokala ikafwitswa mundani, na achiona baha aifwitse zaidi. Na kpwa raha ariyokala nayo wakpwendaguza chila chitu arichokala nacho, achedzagula hura munda.

Mariko 1:35

Siku ya phiriye, chimirimiri kabila ya atu kulamuka, Jesu watuluka achiphiya phatu kanda macheye achendavoya.

Mariko 4:11

Jesu achiambira, “Mwimwi mwaajaliwa kumanya siri za ufalume wa Mlungu, ela nyo asioamini andatsuphirwa zo ndarira bahi

Arumi 1:1

Baruwa hino ila kpwangu mimi Paulo, mtumishi wa Jesu Muokoli. Nátsambulwa nikale mtume, na nchitengbwa nitangaze habari nono kula kpwa Mlungu.

2 Akorintho 6:17

Piya Mwenyezi Mlungu anaamba, “Kpwa hivyo tulukani kahi yao, tsona mdzitenge nao. Msigute chochosi ambacho ni najisi, ndipho nindakuphokerani vinono.”

Kumbukumbu 14:6

na chila nyama ambaye makpwatsage gaganyika seemu mbiri na anatserura.

Juda 1:19

Hinyo ndio atu anaokuganyani madiba-madiba, atu alongozwao ni tamaa zao mbii, atu asio na Roho Mtakatifu.