Misemo 17:14 - Digo Bible

¹⁴ Mwandzo wa kuheha ni dza kuombola phatu phenye madzi manji, phahi richa kuvwehana usedze ukareha kondo.

Misemo 17:14 Iomraidhean Croise

2 Samueli 19:41

Chisha atu osi a Iziraeli akpwedza kpwa mfalume achimuambira, “Mbona ndugu zehu atu a Juda akakuhala bila ya kuhuambira wakati anakuvusa Joridani, uwe, atu a phako kaya na osi ariokala phamwenga nawe?”

2 Nyakati 13:17

Phahi Abija na jeshire waapiga sana hata achiolaga apiganadzi hodari a Iziraeli, elufu magana matsano.

2 Nyakati 28:6

Mana Peka mwana wa Remaliya, kpwa siku mwenga tu, waolaga atu masujaa elufu gana mwenga na mirongo miiri a jeshi ra Juda. Ahendwa hivyo kpwa kukala aricha kulunga Mwenyezi Mlungu, Mlungu wa akare ao.

Misemo 13:10

Ngulu nkureha mvwehano, ela atu akubalio mashauri ana ikima.

Misemo 14:29

Mutu asiyereya upesi ana ufahamu mkpwulu, ela wa kureya upesi anaonyesa uzuzuwe.

Misemo 15:1

Mutu uchimupha jibu ra upole rindausa hasira, ela jibu ra usiru nkutsangira hasira.

Misemo 16:32

Baha mutu mvumirizi kuriko mwenye nguvu, na mutu awezaye kudzizuwiya kuriko mutu atekaye mudzi.

Misemo 17:19

Mutu amendzaye kondo anamendza dambi na adzikaryaye anadzitakira kubanangbwa.

Misemo 19:11

Mutu wa achili kareya upesi, kuswameekpwe makosa kunamrehera ishima.

Misemo 20:3

Ni ishima mutu kudzitenga na makosano, azuzu tu ndio amendzao kuheha.

Misemo 25:8

usikale mwepesi kpwendashitaki, usedze ukakosa kumanya ra kuhenda, myao wanjina achikutiya waibu kpwa kushinda yo kesi.

Misemo 26:21

Viratu makala gafyakatsiravyo makala ga moho au kuni zifyakatsiravyo moho ndivyo mmbeya asunganyavyo kondo.

Misemo 29:22

Mutu wa tsukizi nkuchokoza kondo, na mutu asiyekaa kureya nkuhenda makosa manji.

Arumi 12:18

Hendani rorosi muwezaro msagaleto na atu osi.

1 Athesalonike 4:11

Nia yenu naikale kusagala masagazi gasigo hoyo na mutu. Tsona chila mutu naashuulikiye mamboge na ahende kazi na mikonoye dza hurivyokulagizani.