Misemo 16:8 - Digo Bible

⁸ Baha mutu aphahe mali chache kpwa njira ya haki, kuriko akale tajiri kpwa kuonera.

Misemo 16:8 Iomraidhean Croise

Zaburi 37:16

Baha chidide aricho nacho mutu wa haki kuriko utajiri wa atu anji ahendao mai.

Misemo 15:16

Baha ukale na mapato machache phamwenga na kumuogopha Mwenyezi Mlungu, kuriko kukala na mali nyinji phamwenga na tabu nyinji.

Misemo 15:17

Baha kurya mtsunga pharipho na mendzwa, kuriko kurya nyama za kunona pharipho kuzirana.

Misemo 16:7

Njira za mutu zichimfwahira Mwenyezi Mlungu, Mwenyezi Mlungu nkuhenda maadui ga mutu hiye gaishi naye kpwa amani.

Misemo 16:9

Mwanadamu nkudzipangira mipango, ela Mwenyezi Mlungu ndiye nkulongoza nyagoze.

Misemo 17:1

Baha kurya mwiku mkavu na amani, kuriko kurya karamu kpwenye nyumba ya kondo.

Misemo 28:6

Baha mchiya alungaye haki kuriko tajiri alungaye njira mbii.

Muhubiri 4:6

Ela ni baha kukala na chitu chidide na ukale na amani, kuriko kukala na vitu vinji kpwa kuhenda kazi ngumu, kuku ni sawa na kuzoresa phepho.

Jeremia 17:11

Aphahaye utajiri usio wa halali ni dza kpware riahiraro mayayi gasigokala gakpwe, wakati madzana kpware ndiphokula gandauka na mwishirowe andaonekana kukala mjinga.

Mika 6:10

Uwe nyumba ya uyi, siweza kuyala hazinayo uriyoiphaha kpwa handzo na vipimo vya handzo ambavyo navizira.