Misemo 16:24 - Digo Bible

²⁴ Maneno mazuri ni dza asali, ga mtswano moyoni na ganareha afya mwirini.

Misemo 16:24 Iomraidhean Croise

Zaburi 119:103

Manenogo ga mtswano sana kpwangu, ga mtswano kuriko asali!

Zaburi 19:10

Gago ganatamanika kuriko zahabu, tsona zahabu iriyoswafi zaidi. I mtswano kushinda asali itwenayo kula phalalani.

Misemo 12:18

Maneno ga ovyo ganakata dza upanga, ela ariye na achili manenoge ganaphoza.

Misemo 15:23

Kulavya jibu nono kunafurahisha, ni ajabu kuphaha neno ra kufwaha kano unaphoritaka!

Misemo 15:26

Mwenyezi Mlungu nkuzira maazo ga atu ayi, ela anafwahirwa ni maneno ga atu ario swafi.

Misemo 17:22

Moyo wa kuchangamuka ni dawa nono, ela moyo wa sonono nkuhenda mwiri ukakala mnyonje.

Misemo 23:16

Moyo wangu undahererwa sana, mromoo uchigomba ga sawa na ga haki.

Misemo 27:9

Mashauri galago moyoni mwa msenao ganafurahisha dza viratu mafuha ga kunukato.

Misemo 3:8

Iyo indakala dawa mwako mwirini, na chitu cha kutiya nguvu mifuphayo.

Misemo 4:22

Kpwa vira higo ni uzima kpwa iye agaphahaye, na ni dawa ya mwiri wosi.

Muhubiri 12:10

Muhubiri walonda kuphaha maneno ga kuhama, achiandika maneno ga kpweli tuphu.

Wira wa Selemani 4:11

Aa! Wende wangu, madomogo ga mtswano, maziya na asali i mwako lilimini, na kungu nono ya nguwozo ni dza ya Lebanoni.

Jeremia 15:16

Uriphogomba nami, nasikira manenogo, nago gachihenda nikale na raha, mana ninaihwa kpwa dzinaro, Ee Mwenyezi Mlungu, Mlungu wa majeshi.

Kumbukumbu 32:2

Mafundzo gangu gandateha-teha dza mvula, maneno gangu gandatwena dza manena. Gandakala dza manyunyu kpwenye mimea mitsanga, dza mvula chache-chache kpwenye nyasi.

Maono 10:10

Náchihala chira chidzitabu kula mkpwononi mwa yuya malaika na nchichirya. Kala chimtswano dza asali, ela nriphochimiza himo ndanini chakala utsungu.