Misemo 15:19 - Digo Bible

¹⁹ Njira ya mutu mvivu yamera miya, ela njira ya mwenye haki ikaera dza njira kulu.

Misemo 15:19 Iomraidhean Croise

Zaburi 25:12

Chila aogophaye Mwenyezi Mlungu, Mlungu andamfundza njira ya kugbwira.

Zaburi 27:11

Nifundza njirazo, ee Mwenyezi Mlungu, na unilongoze kpwenye njira iriyogoloka, mana nina aviha anji.

Zaburi 5:8

Ee Mwenyezi Mlungu, nilongoza nihende hakiyo, kpwa sababu ya maadui gangu, na ugolose njirayo mbere zangu ili niilunge.

Misemo 11:5

Haki ya atu asio na lawama inaalongoza kuhenda garigo sawa; ela atu ayi andamalwa ni uyi wao.

Misemo 15:18

Mutu wa tsukizi za phephi kakaa kubwaga kondo, ela mutu mpole nkukanya kondo.

Misemo 15:20

Mwana wa achili nkumfurahisha ise, ela mwana mzuzu nkumʼbera nine.

Misemo 22:13

Mutu mvivu nkuamba, “Ko kondze kuna simba, anaweza kuniolaga mo njirani.”

Misemo 22:5

Njira ya mutu kaidi ina miya na mihego, ela mutu atundzaye moyowe andakala kure nayo.

Misemo 26:13

Mutu mvivu nkuamba: “Ko kondze kuna simba, anaweha mo njirani!”

Misemo 3:6

Chila uhendaro muadamire iye naye andagolosa njirazo.

Misemo 6:6

We mvivu! Phiya ukalole tsungutsungu, karirikane njiraze ili uphahe ikima.

Misemo 8:9

Mutu mwenye ufahamu andaelewa maneno gangu na ga sawa-sawa kpwa mutu mwenye marifwa.

Isaya 30:21

Napho mkagaluka uphande wa kulume au wa kumotso, mundasikira sauti inaamba, “Njira ni hino, igbwireni!”

Isaya 35:8

Kundakala na barabara kulu ndiyoihwa “Njira ya utakatifu.” Indakala njira ya atu a Mlungu. Yeyesi ariye najisi kandatsupira njira hiyo. Chila ndiyetsupira njira iyo kandaangamika hata kala ni mzuzu.

Isaya 57:14

Mwenyezi Mlungu anaamba, “Dzengani, dzengani, tayarishani barabara! Usani vikpwazo vyosi kpwenye njira za atu angu.”