Misemo 15:18 - Digo Bible

¹⁸ Mutu wa tsukizi za phephi kakaa kubwaga kondo, ela mutu mpole nkukanya kondo.

Misemo 15:18 Iomraidhean Croise

2 Samueli 19:43

Hinyo atu a Iziraeli achiajibu atu a Juda achiamba, “Swino mfalume anauhusu kano kumi zaidi ya vira anavyokuhusuni mwimwi, tsona hunayo haki katika Daudi zaidi, mbona phahi mwino mkahubera hivi? Tambukirani swiswi hwakala a kpwandza kulavya azo ra kumuuyiza mfalume.” Ela atu a Juda ahujibu chisiru kushinda nyo atu a Iziraeli.

Misemo 10:12

Kuzirana kuna sababisha kuheha, ela kumendzana kunasitiri makosa gosi.

Misemo 14:29

Mutu asiyereya upesi ana ufahamu mkpwulu, ela wa kureya upesi anaonyesa uzuzuwe.

Misemo 15:1

Mutu uchimupha jibu ra upole rindausa hasira, ela jibu ra usiru nkutsangira hasira.

Misemo 15:19

Njira ya mutu mvivu yamera miya, ela njira ya mwenye haki ikaera dza njira kulu.

Misemo 16:14

Tsukizi za mfalume ni dza muhumwa wa kpwendaolaga, mutu wa achili anaweza kuidigirisa.

Misemo 16:28

Fyakatsi nkusababisha kondo fitina nkutenganisha asena.

Misemo 22:24

Usihende usena na mutu asiyekaa kureya, wala usilungane na mutu wa tsukizi za phephi.

Misemo 25:15

Mtawala nkushawishiwa ni kuvumirira kunji, na lilimi laini nkuvundza mfupha.

Misemo 26:21

Viratu makala gafyakatsiravyo makala ga moho au kuni zifyakatsiravyo moho ndivyo mmbeya asunganyavyo kondo.

Misemo 28:25

Mutu mchoyo nkusunganya atu ahehe, ela mutu akuluphiraye Mwenyezi Mlungu andaongokerwa.

Misemo 29:22

Mutu wa tsukizi nkuchokoza kondo, na mutu asiyekaa kureya nkuhenda makosa manji.

Muhubiri 10:4

Mkpwuluo achikureyera, usiriche kazi kpwa riro, mana uporeo unaweza kukuhenda ukafutirwa makosa makulu.

Mathayo 5:9

Baha apatanishao atu, mana andaihwa ana a Mlungu.