Misemo 15:15 - Digo Bible

¹⁵ Kpwa anayeonerwa chila siku kpwakpwe ni mbii, ela moyo wa furaha una karamu isiyosika.

Misemo 15:15 Iomraidhean Croise

Mwandzo 37:35

Anae osi alume na achetu amʼbembeleza, ela achirema. Achiamba, “Aa, nindamririra mwanangu hadi ndiphophiya ko kuzimu ariko.” Phahi, waenderera kumririra mwanawe.

Mwandzo 47:9

Jakobo achimuambira mfalume, “Miaka ya charo changu himu duniani ni gana mwenga na mirongo mihahu. Miaka hino ni michache na taidzangbwefika miaka yoishi akare angu, tsona yakala ya kugaya.”

Misemo 15:13

Moyo wa kuhererwa unachangamusha uso, ela sonono inavundza moyo.

Misemo 15:14

Mutu wa achili ana hamu ya kuphaha marifwa, ela azuzu anaenderera na uzuzu wao.

Misemo 15:16

Baha ukale na mapato machache phamwenga na kumuogopha Mwenyezi Mlungu, kuriko kukala na mali nyinji phamwenga na tabu nyinji.

Misemo 16:22

Ikima ni chemichemi ya uzima kpwa mutu ariye nayo, ela uzuzu nkuhenda ajinga atiywe adabu.

Misemo 17:22

Moyo wa kuchangamuka ni dawa nono, ela moyo wa sonono nkuhenda mwiri ukakala mnyonje.

Mahendo 16:25

Iriphofika saa sita za usiku, Paulo na Sila kala anavoya Mlungu na kumuimbira, mabusu ganjina kala ganaphundza.

Arumi 12:12

Hererwani mana kuluphiro renu ri kpwa Mlungu. Mchiphaha mashaka vumirirani, wala msiremwe kuvoya Mlungu.

Arumi 5:11

Wala siyo hivyo bahi, ela piya Mlungu akahuhenda huhererwe sana kpwa sababu Bwana wehu Jesu Masihi akahupatanisha naye.

2 Akorintho 1:12

Hunahenda ngulu kpwa sababu hunaweza kukuambirani bila kusita-sita kala hwaishi kpwa uaminifu na moyo kutsuka. Naswi hwaahendera hivyo atu osi na haswa mwimwi mosi kpwa kuadamira mbazi za Mlungu badala ya marifwa gehu ga hipha duniani.

2 Akorintho 1:5

Kpwa vira mateso ga Jesu, ambago ni manji, ganavyozidi kpwehu, vivyo hivyo kuphozwa maroho kpwehu nako kunazidi.

2 Akorintho 6:10

Hunasononeka, ela huna raha chila wakati. Hu achiya, ela hunatajirisha atu chiroho. Hunaonekana tahuna chitu, ela huna vyosi.

1 Petero 4:13

Ela hererwani kukala munagaya dza Jesu arivyogaya, ili mkale na raha tele, hipho ukulu wa Jesu ndiphoonyeswa wazi.