Misemo 13:7 - Digo Bible

⁷ Kuna atu anaodzikarya ni matajiri ela taana chitu, anjina nkudziika chigayi ela a tele mali.

Misemo 13:7 Iomraidhean Croise

Misemo 11:24

Mutu alavyaye na moyo mmwenga nkuzidi kutajirika, ela achoyo nkuzidi kukala achiya.

Misemo 12:9

Baha mutu wa hali ya photsi anayedzikuluphira, kuriko mutu adzikaryaye na kana chitu.

Misemo 13:11

Mali ya kuphahikana upesi-upesi kpwa njira zisizo za sawa taikala, ela ahendaye chadi kurundikiza maliye chidide-chidide indaenjerezeka.

Misemo 13:8

Utajiri wa mutu unaweza kumtivya maishage, ela mchiya katishirwa ni yeyesi.

Luka 12:20

Ela Mlungu achimuamba, ‘U mpumbavu uwe! Rero usiku undafwa. Sambi, vyo vitu vyodziikira akiba, vindakala vya ani?’ ”

Luka 12:21

Jesu achimarigiza kuamba, “Hivyo ndivyo ndivyokala mutu adziikiraye mali ya akiba, ela maishage tagamhamira Mlungu.”

Luka 12:33

Guzani mali zenu na zo pesa muaphe achiya. Namwi kpwa kuhenda vivyo, mundakala munadziikira akiba ko mlunguni, ambako taisira. Mana kuko, muivi kaweza kuisengerera, na adudu taaweza kubananga vitu.

1 Akorintho 4:8

Dze, tamyatsuma kare? Dze, mwatajirika kare? Dze, mwakala kare afalume hata swiswi ayawenu bado? Phahi naaza kala mu afalume kpweli ili hukale afalume phamwenga namwi.

2 Akorintho 4:7

Kpwa hivyo swiswi huna amana iyo ya chiroho ndani ya miyo ya ulongo, yani miri yehu, kuonyesa kukala hinyo uwezo mkpwulu ula kpwa Mlungu, sio kpwehu swiswi.

2 Akorintho 6:10

Hunasononeka, ela huna raha chila wakati. Hu achiya, ela hunatajirisha atu chiroho. Hunaonekana tahuna chitu, ela huna vyosi.

Jakobo 2:5

Phundzani enehu amendzwa, Mlungu watsambula agayi akale matajiri mwao mioyoni, kpwa sababu anamkuluphira Mlungu vinono. Nao ndio ndiojaliwa na mambo mazuri gosi ambago Mlungu waalaga atu ammendzao.

2 Petero 2:19

Nkulavya ahadi za handzo kuhusu uhuru wa chiroho kuno nyo enye ni atumwa a ndzimo mbii ambazo zinaangamiza. Mana mutu nkuhendwa mtumwa ni chochosi ambacho chinamtawala.

Maono 2:9

Namanya mateso genu na uchiya wenu, ela mbona mu matajiri. Piya namanya chibero muhenderwacho ni apindzani enu. Aho anaamba ni Ayahudi, ela sio, ni afuasi a Shetani.

Maono 3:17

Munaamba ati mu matajiri na muna chila chitu, hata tamuna mutsowacho! Kumbavi tammanya rorosi, muna mashaka ndulu ndzima! Tamdzimanya kala munafwaha kuonerwa mbazi kpwa vira mu achiya, mu vipofu, tsona mu vitsaha.