Misemo 13:22 - Digo Bible

²² Atu anono nkuikira adzukulu aho urisi, ela urisi wa enye dambi nkuhalwa ni enye haki.

Misemo 13:22 Iomraidhean Croise

Ezira 9:12

Kpwa hivyo msilavye asichana enu alólwe ni ahana aho na musiriche ahana enu alóle ana achetu ao. Musiike mapatano nao wala kulonda usena nao, ili mkale na nguvu, na murye manono ga yo tsi na kuricha yo tsi ikale urisi wa vivyazi vyenu hata kare na kare.’ ”

Zaburi 102:28

Ana a atumishio andasagala salama, vivyazi vyao vindadumu kpwa uwezoo.”

Zaburi 112:2

Chivyaziche chindakala chivyazi cha mkpwotse kpwenye tsi, chivyazi cha atu ahendao haki chindajaliywa.

Zaburi 128:6

Mlungu akujaliye uone adzukuluo. Iziraeli naikale na amani!

Zaburi 37:25

Hangu ni mdide hata vino nkatsakala sidzangbweona mwenye haki akarichwa ni Mlungu wala anae anavoya-voya chakurya.

Misemo 17:6

Adzukulu ni tadzi ya togo ya atumia, nao ana nkudzivunia avyazi ao.

Misemo 28:8

Mutu aenjerezaye utajiriwe kpwa kuhala riba kulu na fwaida kulu anamkusanyira mutu ndiyeonera mbazi achiya.

Muhubiri 2:26

Mlungu nkumupha ikima, marifwa na furaha mutu amuhamiraye. Ela kpwa mwenye dambi nkumupha kazi za kuvuna na kuika phamwenga, chisha akamupha yuyatu amuhamiraye. Gaga nago ganasinya, ni sawa na kuzoresa phepho.