Misemo 13:18 - Digo Bible

¹⁸ Mutu apuzaye mafundzo andafikpwa ni uchiya na waibu, ela agbwiraye mafundzo andaishimiwa.

Misemo 13:18 Iomraidhean Croise

Zaburi 141:5

Mwenye haki achinipiga au achinidemurira indakala ni dza mafuha mwangu chitswani. Chitswa changu tachindarema. Kpwa kpweli sindaricha kuvoya kuhusu uyi wao.

Misemo 12:1

Akubaliye mafundzo anamendza marifwa, ela asiyelonda kuonywa ni mzuzu.

Misemo 13:13

Atu anaobera mafundzo nkumenya matatani, ela anaoishimu shariya andatuzwa.

Misemo 13:19

Tunu ya moyo inaphotimizwa, inareha raha, ela kuricha mai, ni tsukizo kpwa azuzu.

Misemo 13:25

Enye haki andarya kumvuna, ela ndani ya mutu mui indakala na ndzala.

Misemo 15:5

Mutu mzuzu nkubera mafundzo ga avyazie, ela mutu adzifundzaye anaphokanywa ni mlachu.

Misemo 19:6

Atu anji nkudzipendekeza kpwa akulu, na chila mutu ni msena wa mutu alavyaye zawadi.

Misemo 25:12

Onyo ra mutu wa achili kpwa sikiro ra mutu asikiraye ni dza pete au mkpwufu wa zahabu swafi.

Misemo 9:9

Mfundze mwenye ikima naye andazidi kukala na ikima, muelimishe mwenye haki naye andaenjereza ilimuye.

Muhubiri 7:5

Baha kudemurirwa ni mwenye ikima kuriko kuphundza wira wa azuzu.

Jeremia 3:25

Nahulale photsi kpwa waibu hurio nao na waibu wehu ukale wazi, mana hukamuhendera dambi Mwenyezi Mlungu, Mlungu wehu, swiswi na baba zehu hangu hu adide hadi rero. Tahuyaishimu sauti ya Mwenyezi Mlungu, Mlungu wehu.”

Aeburania 12:25

Hakikishani munamphundza ye agombaye, mana akare enu arema kumphundza Musa ariyeaonya hipha duniani, nao achitiywa adabu kali. Naswi hakika hundatiywa adabu kali sana huchirema kumuogopha ye ahugombekezaye kula mlunguni.