Misemo 13:17 - Digo Bible

¹⁷ Mjumbe mui nkuinjiza atu tabuni, ela mjumbe muaminifu nkureha uphozi.

Misemo 13:17 Iomraidhean Croise

Misemo 10:26

Viratu vira digbwa rihendavyo gandzi menoni au mosi uawisavyo matsoni, ndivyo mvivu alumizavyo achiomuandika kazi.

Misemo 13:18

Mutu apuzaye mafundzo andafikpwa ni uchiya na waibu, ela agbwiraye mafundzo andaishimiwa.

Misemo 25:13

Mjumbe muaminifu nkumfurahisha achiyemuhuma dza madzi ga kuzizima siku za dzuwa kali.

Misemo 25:23

Viratu phepho ra vuri rirehavyo mvula ndivyo lisengenyo rirehavyo tsukizi.

Misemo 26:6

Kuadamira mzuzu aphirike ujumbe ni dza kudzikata magulu au kudzitakira shida.

Jeremia 23:28

Richa ye nabii ariye na ndoso aiseme, ela richa iye ariye na neno rangu arigombe kpwa uaminifu. Dze, wiswa una uhusiano wani na mtsere? Mimi Mwenyezi Mlungu nkaamba.”

Ezekieli 3:18

Ichikala ndamuambira mutu mui, ‘Uwe kpwa kpweli undafwa,’ na usimkanye kpwa kumuambira ariche njiraze mbii ili ativye maishage, mutu iye mui andafwa na uyiwe, ela ndakulaumu uwe kpwa chifoche.

Isabu 31:8

Kahi ya hinyo arioolagbwa kala ni phamwenga na afalume atsano a Midiani: Evi, Rekemu, Suri, Huri na Reba. Piya Balaamu mwana wa Beori amuolaga kpwa upanga.

1 Akorintho 4:2

Chitu muhimu ni kukala atumishi ni lazima akale aaminifu.

2 Akorintho 2:17

Mana tahutangaza ujumbe wa Mlungu ili huphahe pesa, kama atu anjina ahendavyo. Ela hunagomba moyo kutsuka mbere za Mlungu, naswi hunagomba kpwa uwezo huriohewa ni Jesu kama atu ariohumwa kula kpwa Mlungu.

2 Akorintho 5:20

Mana swiswi hu ahumwa ambao hukuwakilisha Jesu kama avi Mlungu mwenye anakuvoyani kpwa kutsupira swiswi. Kpwa hivyo hunakuvoyani kpwa uwezo huriohewa ni Jesu, mpatanishwe na Mlungu.

1 Timothi 1:12

Namshukuru Bwana wehu Masihi Jesu, ariyenipha nguvu, achiniona ni muaminifu na achinitsambula nimuhumikire.

2 Timothi 2:2

Na gara mambo ambago wanisikira ninagafundza mbere za mashaidi anji, gaike mikononi mwa atu aaminifu ndioweza kufundza atu anjina.