Misemo 13:15 - Digo Bible

¹⁵ Mutu wa achili nkukubalika, ela njira atsupirayo mutu asiye muaminifu nkumphirika kpwenye maangamizi.

Misemo 13:15 Iomraidhean Croise

Zaburi 111:10

Kumuogopha Mwenyezi Mlungu ndicho chandzo cha ikima. Osi alungao malagizoge nkuhewa ufahamu mnono. Sifwaze zindadumu hata kare na kare.

Misemo 14:35

Mfalume nkufwahirwa ni mtumishi ahumiraye achiliye vinono ahendapho kazi, ela arehaye waibu nkumtiya adabu.

Misemo 15:10

Mutu aremaye njira ya sawa andatiywa adabu kali na mutu amenaye kukanywa andafwa.

Misemo 3:4

Ndipho undakubalika na kutogolwa mbere za Mwenyezi Mlungu na mbere za mwanadamu.

Misemo 4:19

Nayo njira ya atu ayi ni dza chilungulungu cha jiza, taamanya akpwalacho.

Jeremia 2:19

Uyio mwenye undakutiya adabu, na kuasiko kundakudemurira. Vivi manya kukala, kumricha Mwenyezi Mlungu, Mlunguo na kusamuogopha, ni utu uyi na wa kulumiza, Mwenyezi Mlungu, Mlungu wa majeshi anaamba.

Luka 2:52

Phahi, Jesu waenderera kukula chimo na achili, achizidi kumuhamira Mlungu na atu.

Mahendo 7:10

na achimtivya na mashaka gosi. Mlungu wamjaliya marifwa na achimuhenda aonekane mnono kpwa Farao, mfalume wa Misiri. Hipho, mfalume wamuika mkpwulu wa tsi ya Misiri na muimirizi wa nyumbaye.

Arumi 6:21

Dze, majira higo mriphohenda higo mambo ambago sambi munaona haya nago, mwaphaha fwaida yani? Ukpweli ni kukala, tagana fwaida yoyosi, hata matokeo ga mambo higo ni chifo cha kare na kare!