Misemo 12:28 - Digo Bible

²⁸ Katika njira za haki muna uzima; himo mutsupirwamo tamuna chifo.

Misemo 12:28 Iomraidhean Croise

Misemo 10:16

Mshahara wa atu a haki ni maisha manono, ela mapato ga atu ayi mwishowe ni kutiywa adabu kpwa sababu ya dambi.

Misemo 10:2

Mali iphahikanayo na njira mbii taina baraka, ela haki inativya mutu na chifo.

Misemo 11:19

Mutu alungaye kuhenda haki andakala moyo, ela atsambulaye kuhenda mai andafwa.

Misemo 8:35

Mana aniphahaye mimi ana uzima, naye akakubaliwa ni Mwenyezi Mlungu.

Misemo 9:11

Kpwa kutsupira mimi sikuzo zindakala nyinji, nawe maishago gandaenjerezwa miaka minji.

Jeremia 21:8

Zaidi ya gago, aambire nyo atu kukala Mwenyezi Mlungu anaamba, ‘Nakuphani njira mbiri mtsambule, njira ya uzima na njira ya chifo.

Ezekieli 18:9

na nkulunga shariya zangu na malagizo gangu. Hiye ndiye mutu wa haki na kpwa kpweli andakala moyo, Mwenyezi Mlungu anaamba.

Arumi 5:21

Kpwa hivyo phahi, dambi ina uwezo wa kutawala atu na kuarehera chifo. Ela vivyo hivyo mbazi na mendzwa ya Mlungu ina uwezo wa kutawala atu kpwa kuapha haki. Chihivyo osi amukuluphirao Jesu, ambaye ni Bwana na Muokoli wehu, andaphaha uzima wa kare na kare.

Kumbukumbu 30:15

“Rero hino ninakuikirani kahi ya uzima na manono uphande mmwenga, chifo na mai uphande wanjina.

Kumbukumbu 30:19

Rero ninaiha mlunguni na tsi zishuhudiye chinyume chenu, kukala nkakuphani mtsambule kahi ya uzima na chifo, kahi ya baraka na lana. Phahi, tsambulani uzima mwimwi na chivyazi chenu mphahe kuishi.

Kumbukumbu 32:46

achiaambira, “Ikani mwenu mioyoni maneno gosi ninagokuphani vi rero. Ili muamuru ana enu kusudi alunge kpwa uaminifu maneno gosi ga shariya hino.

1 Johana 2:29

Kpwa vira mnamanya kala Jesu ni wa haki, phahi piya manyani kukala osi ahendao haki ni ana a Mlungu.

1 Johana 3:7

Anangu, msichengbwe. Mutu ahendaye mahendo ga haki, ana haki dza viratu Jesu arivyo.

3 Johana 1:11

Msena wangu Gayo, usimuige hiye mutu mui. Ela iga tabiya za atu anono. Mutu yeyesi ahendaye mambo manono ni mwana wa Mlungu. Ela yeyesi ahendaye mambo mai kamanya Mlungu.