Misemo 12:25 - Digo Bible

²⁵ Moyo uchihenda wasiwasi mwanadamu nkukosa raha, ela maneno manono ganachangamusha.

Misemo 12:25 Iomraidhean Croise

Zaburi 38:6

Nkazamiswa na nkabwagbwa photsi mutsi wosi naangaika na sonono.

Zaburi 42:11

Kpwa utu wani moyo wangu unasononeka? Kpwa utu wani nayugika mwangu moyoni? Mkuluphire Mlungu, mana nindamtogola tsona iye, muokoli wangu na Mlungu wangu.

Misemo 12:18

Maneno ga ovyo ganakata dza upanga, ela ariye na achili manenoge ganaphoza.

Misemo 12:26

Mwenye haki nkuapha ayae mashauri manono, ela njira za mutu mui nkuhenda ayae akakosera.

Misemo 14:10

Chila mutu nkumanya utsungu wa moyowe, takuna mutu wanjina awezaye kumanya kuhererwakpwe.

Misemo 15:13

Moyo wa kuhererwa unachangamusha uso, ela sonono inavundza moyo.

Misemo 15:15

Kpwa anayeonerwa chila siku kpwakpwe ni mbii, ela moyo wa furaha una karamu isiyosika.

Misemo 15:23

Kulavya jibu nono kunafurahisha, ni ajabu kuphaha neno ra kufwaha kano unaphoritaka!

Misemo 15:30

Uso wa kuchangamuka unafurahisha moyo, na habari nono nkureha afya mwirini.

Misemo 16:24

Maneno mazuri ni dza asali, ga mtswano moyoni na ganareha afya mwirini.

Misemo 17:22

Moyo wa kuchangamuka ni dawa nono, ela moyo wa sonono nkuhenda mwiri ukakala mnyonje.

Misemo 18:14

Roho ya mutu inaweza kuvumirira mwiri mkpwongo, ela uchivundzika moyo undastamili viphi?

Misemo 25:11

Neno rilaviwaro wakati wa kufwaha ni dza matunda ga zahabu kpwenye chano cha feza.

Misemo 27:9

Mashauri galago moyoni mwa msenao ganafurahisha dza viratu mafuha ga kunukato.

Isaya 50:4

Mwenyezi Mlungu akanifundza ga kugomba, ili niatiye moyo achioremwa. Chila ligundzu ananilamusa ili niphahe kuphundza mambo alondago kunifundza.

Zakariya 1:13

Mwenyezi Mlungu achimjibu ye malaika ambaye kala akagomba nami maneno manono na ga kuphoza marenda.