Misemo 11:17 - Digo Bible

¹⁷ Mutu ahamirwaye nkukaribisha ayae nkufwaidika mwenye, ela mutu katili nkudzilumiza mwenye.

Misemo 11:17 Iomraidhean Croise

Ayubu 20:16

Andafyondza sumu ya nyoka, andafwa kpwa kuondzwa ni bafwe.

Misemo 15:27

Mutu amendzaye kuhongbwa andarehera jamaaze sonono, ela aziraye kuhongbwa andaishi.

Misemo 22:9

Mutu wa mbazi andabarikiwa, mana anaganyira achiya chakuryache.

Muhubiri 4:8

Náona mutu mmwenga muweche, kana mwana wala ndugu. Ela karichire kuhenda kazi wala kayatosheka na mali ariyokala nayo. Naye achidziuza: “Natuluza jasho na kudzilafya starehe kpwa sababu ya ani?” Gaga nago tagana mana na ni utu wa kusononesa.

Isaya 57:1

Mutu wa haki achifwa, taphana mutu ajaliye, atu amuogophao Mlungu nkuuswa duniani, taphana aelewaye kukala enye haki nkuuswa ili asiphahwe ni mai.

Danieli 4:27

Kpwa hivyo uwe mfalume, phundza ushauri wangu. Richa kuhenda dambi na uhende haki. Richa makosago kpwa kuonera mbazi aonerwao, mendzerepho siku za kuongokerwako, nkuenjerezwa.”

Mathayo 5:7

Baha aonerao ayawao mbazi, mana Mlungu andaaonera mbazi.

Luka 6:38

Apheni ayawenu, naye Mlungu andakuphani. Mundahewa tele ya kusindirirwa na kusukpwa-sukpwa hata kufwasa. Mana chipimo mpimiracho ayawenu, ndicho ndichopimirwa mwimwi.”

Afilipi 4:17

Siamba hivi kpwa nalonda mniterye, ngʼo, ela nalonda mphahe zawadi kpwa mbazi zenu.

Jakobo 2:13

Mana mutu yeyesi ambaye kandamuonera mbazi myawe, naye kandaonerwa mbazi. Ela uchionera mbazi ayao, naye Mlungu andakuonera mbazi siku ya chiyama.