Misemo 10:21 - Digo Bible

²¹ Maneno ga enye haki ganafwaidi atu anji, ela azuzu aolagbwa ni kukosa achili.

Misemo 10:21 Iomraidhean Croise

Ayubu 23:12

Sidzangbwericha kugbwira malagizo ga madomoge, nikatundza maneno ga kanwaye kuriko chakurya.

Zaburi 37:30

Kanwa ya mutu wa haki igomba ikima na lilimire rigomba uamuli wa haki.

Misemo 1:29

Kpwa kukala mwatsukirira marifwa, wala tamyatsambula kumuogopha Mwenyezi Mlungu.

Misemo 1:31

phahi, mundarya matunda ga mahendo genu, mundayugbwa ni werevu wenu enye.

Misemo 1:32

Kpwa kukala atu asiomanya nkudziolaga kpwa likani rao, azuzu nkudziangamiza kpwa kura kudziamini kpwao.

Misemo 10:11

Mromo wa mwenye haki nchisima cha uzima, ela mromo wa mutu mui u tele jeuri.

Misemo 12:18

Maneno ga ovyo ganakata dza upanga, ela ariye na achili manenoge ganaphoza.

Misemo 15:4

Maneno ga upole ni msingi wa uzima na afya, ela maneno ga handzo ganavundza moyo.

Misemo 15:7

Mromo wa mutu wa achili nkueneza marifwa, ela mzuzu kaweza.

Misemo 17:16

Taina mana mzuzu kukala na pesa za kuriphira ilimu, napho kana hamu ya kuphaha ikima.

Misemo 5:12

Ndipho undaamba, “Baha kala siyazira kutiywa adabu na moyo wangu kubera kuonywa!

Misemo 5:2

Ndipho undaweza kukala na achili, na mromoo undaika marifwa.

Misemo 5:23

Andafwa kpwa kutsowa makini, andaangamika kpwa uzuzuwe.

Misemo 6:32

Aziniye kana achili kamare, ahendaye hivyo anaangamiza maishage mwenye.

Muhubiri 12:11

Misemo ya alachu ni dza mlawa wa kutsungira ngʼombe. Misemo yokusanywa phamwenga ni mrisa ni dza misumari yokotwa kpwa nguvu.

Isaya 5:13

Kpwa hivyo atu angu andatsamizwa kpwa lazima kpwa kukosa marifwa. Atu enye vyeo andahirika na atu anjina andafwa chiru.

Jeremia 15:16

Uriphogomba nami, nasikira manenogo, nago gachihenda nikale na raha, mana ninaihwa kpwa dzinaro, Ee Mwenyezi Mlungu, Mlungu wa majeshi.

Jeremia 3:15

“ ‘Nami ndakuphani arisa anifwahirao mwangu moyoni, ambao andakufundzani marifwa na kumanya.

Hosea 4:6

Atu angu anaangamika kpwa kukosa marifwa. Kpwa kukala mwakahala marifwa, mimi nami nkakukahalani mkale alavyadzi-sadaka angu. Kpwa sababu mwayala shariya za Mlungu wenu, nami piya nindayala ana enu.

Mathayo 12:35

Mutu mnono nkutuluza manono kula kpwa akibaye nono na mutu mui nkutuluza mai kula kpwa akibaye mbii.

Mathayo 13:19

Mutu asikirapho neno kuhusu ufalume wa Mlungu na asiuelewe, ni kukala Shetani akedza akahala chira chophandwa mwakpwe moyoni. Hinyu ni mfwano wa mbeyu yogbwa njirani.

Arumi 1:28

Tsona, atu hinyo arema ilimu ya kpweli kuhusu Mlungu, ndipho naye Mlungu achiaricha alunge maazo gao mai. Nao achihenda mambo ambago tagafwaha kuhendwa.

1 Petero 5:2

mkale arisa anono a kundi mrirohewa ni Mlungu. Tsona mririnde na moyo mnono wala siyo kpwa kuhendalazimishwa. Msihende kazi yenu kpwa sababu mundariphiwa ela kpwa kukala munadzilavya.