Mika 6:2 - Digo Bible

² Sikirani malalamishi ga Mwenyezi Mlungu mwimwi myango na mwimwi misingi ya kudumu ya dunia. Mana Mwenyezi Mlungu ana malau na atue na andauzana maswali na Aiziraeli.”

Mika 6:2 Iomraidhean Croise

2 Samueli 22:16

Ndipho mikono ya bahari ichioneka, na misingi ya dunia ichifwenulwa, kpwa kudemurirwa ni Mwenyezi Mlungu, kpwa mvumo wa pumuzi ya kula mwakpwe pulani.

2 Samueli 22:8

Yo tsi yasumba na ichikakama, misingi ya mlunguni ichisumba kpwa sababu Mlungu kala akatsukirwa.

Zaburi 104:5

Tsi nayo, waidinisa ndindindi kpwenye misingiye, hata taiweza kusumbiswa.

Misemo 8:29

Nákalapho hipho Mlungu ariphoyiikira miphaka bahari kusudi madzige gasivundze shariyaze. Nákalapho ariphoika misingi ya dunia.

Isaya 1:18

Mwenyezi Mlungu anaamba, “Sambi, ndzoni hugombe, hupataneni. Dzagbwe dambi zenu zi kundu zindakala nyereru dza bafuta. Dzagbwe zi kundu dododo, zindakala nyereru dza nyoya za mangʼondzi.

Isaya 3:13

Mwenyezi Mlungu aimire ili kulumba laure, a tayari kuamula atue.

Isaya 43:26

Nitambukiza mambo ga kare, hugombekezane, lumba lauro ili uhewe haki.

Isaya 5:3

Sambi mwimwi enyezi a Jerusalemu na Juda nakuvoyani muamule kahi yangu na munda wangu wa mizabibu.

Jeremia 2:9

Kpwa sababu hiyo, nindaenderera kulumbana namwi, mimi Mwenyezi Mlungu nkaamba. Chisha nindalumbana na adzukulu enu.

Jeremia 25:31

Mbiru indasikirwa hadi mwisho wa dunia, mana Mwenyezi Mlungu andashitaki go mataifa, andaamula anadamu osi, na ayi andaolagbwa na upanga,” Mwenyezi Mlungu anaamba.

Jeremia 31:37

Mwenyezi Mlungu anaamba, kala ko dzulu mlunguni kungepimika, na yo misingi ya dunia ingeweza kuchunguzwa, phahi ningechitsupha kure chivyazi cha Iziraeli, kpwa gosi arigohenda, mimi Mwenyezi Mlungu nkaamba.”

Hosea 12:2

Mwenyezi Mlungu ana lau na Juda. Andamtiya adabu Jakobo kulengana na tabiyaze na kumripha kulengana na mahendoge.

Hosea 12:3

Ariphokala ndanini mwa nine wamgbwira mwanáo jimbe na ariphokala mutu mzima waminyana na Mlungu.

Hosea 4:1

Mwi Aiziraeli phundzani neno ra Mwenyezi Mlungu. Mwenyezi Mlungu ana malau na mwi msagalao tsi ihi mana tamuna uaminifu wala mbazi chisha tamummanya Mlungu.

Mika 6:1

Sambi phahi phundzani agombavyo Mwenyezi Mlungu. Iye anaamba, “Ima urehe malaugo mbere za myango na udzikanire mbere ya vidzango.

Kumbukumbu 32:22

Mana tsukizi zangu zikavuvurira moho, moho unaaka hadi tsini ya arizi, Undaocha dunia na vinavyovyalwa ndaniye, Undaitiya moho misingi ya myango.

Kumbukumbu 4:26

Mlunguni na dunia nakukale mashaidi chinyume chenu siku hino ya rero kukala muchihenda uyi hinyo mundaangamizwa tsetsetse kpwenye tsi ambayo myaimiliki hiko ngʼambo ya muho Joridani. Tsi iyo tamundaisagala muda mure, mundaangamizwa tsetsetse.