Mika 4:13 - Digo Bible

¹³ “Unuka uwage, uwe mwana mchetu wa Sayuni mana pembeyo ndaihenda chuma; kpwatsazo ndazihenda shaba, undavundza-vundza mataifa manji.” Mapato gao haramu undagatenga kpwa ajili ya Mwenyezi Mlungu, hinyo utajiri wao undamupha Mlungu wa dunia yosi.

Mika 4:13 Iomraidhean Croise

Zaburi 24:1

Dunia na vyosi virivyo mumo ni vya Mwenyezi Mlungu, phamwenga na ulimwengu na atu osi asagalao mumo.

Zaburi 68:29

Kula nyumbayo ya kuvoya Mlungu hiko Jerusalemu ambako afalume andakpwedzera na zawadi zao.

Zaburi 72:10

Afalume a Tarishishi na a visuwa andareha kodi, afalume a Sheba na Seba andamrehera zawadi.

Isaya 18:7

Ela wakati hinyo atu are enye ngozi laini, atu anaoogophewa phephi na kure. Atu a taifa ra nguvu rinaroshinda ambaro tsiiye ikaganywa ni myuho, andamrehera zawadi Mwenyezi Mlungu, Mlungu wa majeshi. Zawadi hizo andazireha mwango wa Sayuni, phatu anaphoabudiwa Mwenyezi Mlungu, Mlungu wa majeshi.

Isaya 21:10

Mwi atu angu, muriobumbundwa phatu pha kuwagira mtsere, ninakuambirani mambo nrigosikira kula kpwa Mwenyezi Mlungu, Mlungu wa majeshi, Mlungu wa Iziraeli.

Isaya 23:18

Ela higo maripho ga bisharaze gandatengbwa kpwa ajili ya Mwenyezi Mlungu. Tagandaikpwa kuikpwako hazina wala akiba, ela fwaida za bisharaze zindakala mali ya hinyo ahumikao mbere za Mwenyezi Mlungu, aphahe kurya kumvuna na avwaleto.

Isaya 5:28

Mivi yao ina lutsa, maha gao gosi gaphindwa kare, makpwatsa ga farasi aho ni mafu dza mawe na magurudumo ga magari gao ga kuvwehwa ni farasi ni dza chikulukulu.

Jeremia 51:20

Uwe u rungu rangu, silaha yangu ya viha kuhumira uwe, nkuvundza-vundza mataifa na kpwa uwe, nkuangamiza falume.

Jeremia 51:33

Mana Mwenyezi Mlungu, Mlungu wa majeshi, Mlungu wa Iziraeli, anaamba, Ye msichana wa Babeli ni dza phatu pha kuwagira wakati phana kuvyogbwa-vyogbwa, wakati wa kuvunwakpwe ukafika.”

Danieli 2:44

Na wakati uho wa afalume aho Mlungu wa mlunguni andaandzisha ufalume ambao taundavundzwa, wala taundarichirwa atu anjina. Ufalume uho undavundza-vundza falume zizi zosi nao undakala ta kare na kare.

Hosea 10:11

“Efuraimu ni ndama yofundzwa na imendzayo kuwaga mtsere, ela sambi singoye nono nindaifunga gogolo. Ndamfunga Efuraimu niuke naye, Juda ni turi arime, Jakobo ni lazima arime mwenye.

Mika 5:7

Hinyo ndiosala kahi za atu a Jakobo, andasagala kahi za atu a mataifa manji. Nao andakala dza umande kula kpwa Mwenyezi Mlungu, dza mawasa ga mvula nyasini ambago tagachelewa kpwa sababu ya mutu wala tagagodza anadamu.

Habakuki 3:12

Wanyendeka dzulu ya tsi kpwa tsukizi na uchivyoga-vyoga mataifa.

Zakariya 12:3

Siku iyo ichifika, nindaihenda Jerusalemu ikale dza dziwe ra kuremera kpwa mataifa gosi, osi ndiojeza kuriunula andadzilumiza enye. Chisha mataifa ganjina gosi duniani gandavamia Jerusalemu.”

Zakariya 12:6

“Siku iyo nindahenda vilongozi a Juda akale dza chidzaya cha moho kahi ya kuni, na dza chimwindi cha moho kahi ya masuche ga mtsere gachigofungbwa mabutsa-mabutsa. Aho andaangamiza atu a pande zosi zozunguluka Jerusalemu, ela atu a Jerusalemu andasala salama mumo mudzini.

Zakariya 4:14

Ndipho achiamba, “Hinya ni nyo apakpwa mafuha airi amuhumikirao Mwenyezi Mlungu wa dunia yosi.”

Zakariya 6:5

Ye malaika achinijibu achiniamba, “Gaga ga tayari kuphiya kpwenye pembe ne za mlunguni, bada ya kuima mbere za Mwenyezi Mlungu wa dunia yosi.

1 Akorintho 16:2

Siku ya kpwandza ya chila wiki, chila mmwenga naatenge chiasi fulani cha pesa kulengana na mapatoge, na ziikpwe ili siku nchedza kusikale na haja ya kukusanya misada yoyosi.

Kumbukumbu 33:25

Midziyo indakala ya maryango ga chuma na shaba. Usalamao undadumu maishago gosi!”

Joshuwa 6:19

Ela feza na zahabu, miyo ya shaba na ya chuma ni mitakatifu kpwa Mwenyezi Mlungu, nayo indaikpwa kpwenye hazina ya Mwenyezi Mlungu.”