Mika 2:1 - Digo Bible

¹ Shaka hiro kpwa apangao kuhenda mai, anaopanga uyi mwao vitandani, ligundzu kunaphocha anagahenda kpwa sababu ana uwezo.

Mika 2:1 Iomraidhean Croise

Mwandzo 31:29

Nina uwezo wa kukuhenda vii, ela Mlungu wa sowe akanikanya usiku wa kulamukira rero, akaniamba, ‘Dzikanye, usimuambire Jakobo neno rorosi nono wala iyi.’

1 Afalume 21:7

Hipho mchewe, Jezebeli, wamuambira, “Anayetawala Iziraeli ni ani? Si ni uwe? Unuka, urye na uchangamuke. Mino ndakupha munda wa mizabibu wa Nabothi Mjeziriili.”

Esta 3:8

Hipho Hamani achigomba na mfalume Ahasuero achiamba, “Phana kabila mwenga ambaro atue akagota majimbo gosi ga utawalao. Atu a kabila hiri taaelewana na atu anjina tse. Shariya zao zitafwauti na za atu anjina osi. Tsona higo malagizogo uwe mfalume, taagalunga bii. Kpwa hivyo naona sio vinono kukala atu hinya uariche aenderere kuishi.

Esta 5:14

Hipho Zereshi mkpwaza Hamani na asena a Hamani achimshauri kukala atengeze muhi wa chimo cha mikono mirongo mitsano. Ligundzure kuchicha aphiye akabishe na mfalume kukala Modekai anyongbwe dzulu ya muhi hinyo. Bada ya kukala Modekai akanyongbwa hiye Hamani aphiye shareeni na mfalume kuno akahererwa. Maneno higa gachimuhamira Hamani na achilagiza hinyo muhi uchitengezwa.

Esta 9:25

Ela iyo mipangoye mii yokala akaapangira Ayahudi iriphomfikira mfalume, mfalume achilavya amuri na iyo njama mbii ichimuuyira Hamani mwenye, iye na anae achisongolwa dzulu ya muhi.

Ayubu 15:35

Aho nkupanga fujo na kuhenda mai na mioyo yao nkupanga handzo.”

Ayubu 24:14

Muolagadzi nkulamuka chimirimiri, ili aweze kuolaga achiya na agayi, na usiku akakala dza muivi.

Zaburi 36:4

Nkupanga mai hata pho phakpwe chitandani gosi akusudiyago ni mai naye kaaza kuricha kuhenda mai.

Zaburi 36:5

Mendzwayo isiyosika ee Mwenyezi Mlungu inafika dzulu mlunguni nao uaminifuo unafika mainguni.

Zaburi 58:3

Atu ayi akoseka hangu ndanini mwa nine zao hinyo akoseka hangu kuvyalwa, agomba handzo.

Misemo 12:2

Mutu mnono nkupendeleywa ni Mwenyezi Mlungu, ela mutu wa nia mbii nkuhukumiwa ni Mwenyezi Mlungu.

Misemo 14:22

Mutu apangaye mai nkuangamika, ela mutu apangaye manono nkumendzwa na kuaminiwa.

Misemo 3:27

Usimlafye mutu alondaye msada, ichikala una uwezo wa kuhenda hivyo.

Misemo 4:16

Atu ayi taalala bila ya kuhenda uyi, taaphaha usingizi bila kulumiza mutu.

Isaya 29:20

Mana atu majaili andaangamizwa, enye chibero andasiswa nao apangao kuhenda mai andaangamizwa.

Isaya 3:14

Mwenyezi Mlungu andalavya uamuli chinyume cha atumia na vilongozi a atue aambe, “Mwimwi ndimwi mchiobananga munda wangu wa mizabibu! Nyumba zenu mkaziodzaza vitu murivyofuta achiya.

Isaya 32:7

Njira za mutu wa handzo ni mbii. Anapanga hila, ili aangamize achiya na agayi, kpwa kulavya ushaidi wa handzo hata napho enye analalamikira haki.

Isaya 5:8

Shaka hiro kpwa hinyo agulao nyumba bada ya nyumba, na munda bada ya munda hadi ikale taphana tsona nafwasi na ibidi asagale machiyao kahi za tsi.

Isaya 59:3

Mikono yenu ikatiywa najisi kpwa kuolaga, na mala genu gakatiywa najisi ni makosa, miromo yenu ikagomba handzo, na malilimi genu gakagomba uyi.

Jeremia 18:18

Chisha nyo atu achiamba, “Ndzoni humpangire njama Jeremia, mana go mafundzo ga shariya kula kpwa alavyadzi-sadaka tagandaangamika, wala ushauri wa atu a ikima, wala neno ra Mlungu kutsupira manabii. Ndzoni hugombe vii kumuhusu na husigatiye manani gosi agombago.”

Ezekieli 11:2

Mwenyezi Mlungu achiniamba, “Mwanadamu, aha ndio atu apangao mai na anaoapha atu a mudzi uhu ushauri mui.

Ezekieli 33:26

Munakuluphira upanga wenu, munahenda mambo ga kutsukiza na chila mmwenga wenu analala mkpwaza myawe, munawezadze kuamba yo tsi ni yenu?’

Ezekieli 38:10

“ ‘Mwenyezi Mlungu anaamba hivi: Siku iyo undaphaha azo, nawe undapanga mpango mui.

Ezekieli 46:18

Ye mkpwulu ni asihale urisi wa atu na kuahenda auke kpwenye minda yao. Iye ni aaphe anae urisi kula kpwa vituvye, ili atu angu asifutwe urisi wao.”

Mika 6:12

Atue ario matajiri a mudzi wa fujo na enyezie ana handzo aho anagomba handzo.

Nahumu 1:11

Kula kuko Ninawi kukatuluka mutu, mshauri apangaye mipango mii, iye anapanga mai chinyume cha Mwenyezi Mlungu.

Zakariya 7:10

Musionere magungu, anachiya, ajeni asagalao kahi yenu wala achiya. Tsona musipange kuhenderana mai.’

Mariko 15:1

Chiti kuriphocha, akulu a alavyadzi-sadaka osi, phamwenga na alimu a Shariya na vilongozi anjina a Chiyahudi, yani angambi osi, akutana achibisha. Amfunga Jesu mikowa achimphirika kpwa Pilato, liwali wa jimbo ra Chirumi.

Luka 20:19

Phahi hara alimu a Shariya na akulu a alavyadzi-sadaka amanya kala akagomba ndarira iyo kuonyesa kala aho ndio akurima ayi ariokodisha hura munda. Kpwa hivyo alonda kumgbwira Jesu mara mwenga, ela achimricha kpwa kuogopha atu.

Johana 19:11

Achimuamba, “Kalapho kuyaphaha uwezo kula kpwa Mlungu, kungekala na uwezo wowosi kpwangu. Ela iye achiyenireha kpwako ana dambi kulu zaidi.”

Mahendo 23:12

Ligundzure kuriphocha, Ayahudi anjina ahenda njama, achirya chirapho achiamba, “Tahundarya wala kunwa hadi humuolage Paulo.”

Mahendo 23:15

Phahi, uwe na angambi kamuambireni mkpwulu wa jeshi amrehe Paulo hipha na mdzihende avi mnalonda mmanye zaidi kuhusu laure. Naswi hu tayari kumuolaga hata kabila kufika hipha.”

Arumi 1:30

na fyakatsi, atu asiommendza Mlungu, asiojali ayawao, tsona atu a ngulu na kudzikarya. Chila wakati nkuzembula njira nyiphya ya kuhenda dambi. Taaogopha avyazi ao,

Kumbukumbu 28:32

Anao alume na achetu andalaviwa kpwa atu anjina nawe undakotola matso dii yosi kulorera auye, ela kundakala na nguvu ya kuhenda rorosi.