Mika 1:8 - Digo Bible

⁸ Chisha Mika achiamba, “Kpwa sababu hino ndasononeka na nrire, nindanyendeka chitsaha tsona bila virahu. Nindapheka dza bawa, na kurira dza chimburu.

Mika 1:8 Iomraidhean Croise

2 Afalume 18:13

Mwaka wa kumi na ne, wa utawala wa mfalume Hezekiya, mfalume Senakeribu wa Ashuru washambuliya midzi yosi ya Juda yenye ngome na achiiteka.

Esta 4:1

Phahi Modekai ariphomanya gosi garigokala gakahendeka, wakpwanyula nguwoze, achivwala magunia na achidzimwagira ivu. Achituluka achiphiya hata kahi-kahi ya hinyo mudzi achikota kululu na kurira sana kpwa sonono.

Ayubu 30:29

Mabawa ndigo chigokala enehu, na mbuni ndio chiokala asena angu.

Zaburi 102:6

Nkakala dza chimburu cha weruni, dza chimburu chiricho phatu photsamwa.

Isaya 13:21

Badalaye nyama asiru a jangbwani andamusagala na nyumba za mudzi hinyo zindasagalwa ni vimburu. Mbuzi a tsakani nao andatina-tina mumo.

Isaya 13:22

Mafisi gandarira mo mwenye minara ya urindzi na makala kusagala mumo mwenye madzumba manono-manono ga chitajiri. Wakatiwe u phephi na sikuze tazindaenjerezwa.”

Isaya 16:9

Kpwa hivyo ninaririra mizabibu ya Sibuma dza atu a Jazeri ariravyo. Midzi ya Heshiboni na Eleale munanihenda nimwagikpwe ni matsozi mana taphana njerejere za mavuno.

Isaya 21:3

Kpwa kukala nyo mwiri wangu unaluma sana, nina utsungu dza wa mchetu alondaye kudzivugula, ninasikira utsungu kpwa go nsikirago, sina ra kuhenda kpwa go nionago.

Isaya 22:4

Kpwa sababu iyo ninaamba, “Galuza usoo usinilole, niphahe kurira kpwa sonono. Usidzishuulishe kuniphoza marenda kpwa sababu ya kubanangbwa kpwa atu angu.”

Isaya 32:11

Kakamani mwi achetu enye raha, kakamani na wuoga mwimwi msagalao raha msitarehe. Vulani nguwo zenu mvwale magunia.

Jeremia 4:19

Naawiwa, naawiwa, nagalagala kpwa sonono. Ee nina utsungu wa moyo! Moyo wangu unagungunda sana, siweza kunyamala, mana nasikira sauti ya gunda, dalili ya viha.

Jeremia 9:1

Naaza kala chitswa changu chingekala dza chisima cha madzi na matso gangu gakakala chemichemi ya matsozi, ningesinda na kuchesa kurira kpwa sababu ya atu angu achioolagbwa!

Jeremia 9:10

Nindatulukpwa ni matsozi kpwa kuririra yo myango, na kusononekera nyasi za jangbwani, mana zindabanangbwa na takuna ndiyetsapira, na ngʼombe tazindasikirwa zichirira tsona Nyama a mapha na nyama a tsakani akachimbira na kuzirimika.

Jeremia 9:19

Mana sauti ya chiriro inasikirika kula Sayuni, ‘Lolani huchivyoangamizwa! Hukagbwizwa haya, chisa hukatsama tsi yehu, mana akabomola nyumba zehu.’ ”

Ezekieli 32:18

“Mwanadamu, ririra ro jeshi kulu ra Misiri na uatsereze mbirani phamwenga na atu a mataifa ga nguvu.

Mika 2:4

Siku iyo atu andakutungirani wira wa sonono wa kukunyeterani nao andaamba, ‘Hukaangamizwa tsetsetse, Mwenyezi Mlungu akaganya vitu vya atu angu. Iye akanifuta mtalo hinyo, na minda yehu akaipha atu ario uhala mateka.’ ”

1 Samueli 19:24

Wavula nguwoze achitabiri mbere za Samueli na siku iyo walala chitsaha mutsi wosi na usiku kucha. Kpwa hivyo atu nkuamba, “Dze! Sauli piya ni mmwengawapho wa manabii?”