Mathayo 6:12 - Digo Bible

¹² Na huswamehe makosa gehu, dza viratu hunavyoswamehe ahukoserao.

Mathayo 6:12 Iomraidhean Croise

1 Afalume 8:30

Usikize mavoyo ga mtumishio na ga atuo Aiziraeli ndiphovoya kuno akaloza phatu hipha. Sikira phahi kula phako makaloni ko mlunguni, na usikirapho, huswamehe.

1 Afalume 8:34

phahi sikira kula mlunguni, uswamehe dambi ya atuo Aiziraeli na uauyize kpwenye tsi ambayo waapha aho na akare ao.

1 Afalume 8:39

phahi sikira kula hiko mlunguni ukalako na uaswamehe. Chila mutu unammanya moyowe urivyo nawe mriphe kulengana na mahendoge (mana uwe tu ndiwe umanyaye maazo ga mioyo ya anadamu osi).

1 Afalume 8:50

Uaswamehe atuo achiokuhendera dambi na makosa gao gosi, uhende aviha aho akale na mbazi ili nao aphahe kpwaonera mbazi,

Zaburi 130:4

Ela kpwako kuna msamaha ili huphahe kukuogopha.

Zaburi 32:1

Baha aho ambao Mlungu waaswamehe makosa gao ambao dambi zao zauswa.

Kutsama 34:7

Nindaaonyesa mendzwa isiyosika maelufu na maelufu ga vivyazi na niaswamehe uasi na dambi zao. Ela piya sindaricha kuatiya adabu atu arionikosa, ana na ana aho a chivyazi cha hahu na cha ne kpwa dambi za avyazi ao.”

Isaya 1:18

Mwenyezi Mlungu anaamba, “Sambi, ndzoni hugombe, hupataneni. Dzagbwe dambi zenu zi kundu zindakala nyereru dza bafuta. Dzagbwe zi kundu dododo, zindakala nyereru dza nyoya za mangʼondzi.

Danieli 9:19

Ee Mwenyezi Mlungu husikire. Ee Mwenyezi Mlungu huswamehe. Ee Mwenyezi Mlungu sikira na uhende. Kpwa ajiliyo usikae, ee Mlungu wangu, na kpwa sababu ya mudzio na atuo aihwao kpwa dzinaro.”

Mathayo 9:2

Hipho atu amreha mutu wa kuphola vilungo akamlaza chitandani. Naye Jesu ariphoona hara atu vira amkuluphiravyo, wamuamba yuya mkpwongo, “Usiogophe mwanangu! Mana dambizo zikaswamehewa.”

Mariko 11:25

Na muimapho kuvoya, na phana mutu yeyesi ariyekukoserani, mswameheni kpwandza, ili Sowe yenu ariye mlunguni piya aswamehe makosa genu.”

Luka 11:4

Na huswamehe dambi zehu, dza viratu hunavyoswamehe osi ahukoserao. Usihuriche hukatiywa dambini ni Shetani.’ ”

Luka 13:4

Hebu munaona hara atu kumi na anane ariogbwererwa ni gorofa ya Siloamu achifwa, kala ana dambi zaidi kuriko atu anjina osi akalao Jerusalemu?

Luka 6:37

Tsona Jesu waamba, “Msiamule ayawenu, namwi tamundaamulwa ni Mlungu. Msilaumu ayawenu, namwi tamundalaumiwa. Swameheni ayawenu, namwi mundaswamehewa.

Mahendo 13:38

“Kpwa hivyo, enehu, nalonda mmanye kala kpwa sababu ya mutu hiyu Jesu, hunaweza kukusemurirani ujumbe kuhusu kuswamehewa dambi zenu.

Aefeso 1:7

Mana Jesu ariphofwa msalabani hwakombolwa na huchiswamehewa dambi zehu. Gaga gakala kulengana na zo mbazize nyinji

Aefeso 4:32

Ela oneranani mbazi na muhenderane mambo manono. Mswameheane dza viratu Mlungu arivyokuswameheni kpwa sababu ya Jesu ariyehuokola.

Akolosai 3:13

na ichikala kuna atu ambao taaelewana, ni lazima aswameheane. Dza vivyo Mlungu arivyokuswameheni, mwimwi piya swameheni ayawenu.