Mathayo 26:52 - Digo Bible

⁵² Chisha Jesu achimuamba, “Hai! Hai! Uyiza upangao chowani, mana yeyesi ahumiraye upanga, andaolagbwa na panga.

Mathayo 26:52 Iomraidhean Croise

Mwandzo 9:6

Yeyesi ndiyemuolaga mutu naye andaolagbwa ni mutu mana mutu námuumba kpwa mfwano wangu.

Zaburi 55:23

Ela uwe Mlungu undaahenda hinyo aolagadzi na atu a handzo avoromoke dibwani hata tsini kabisa kabila ya nusu ya siku zao za kuishi duniani. Ela mino nindakukuluphira uwe.

Kutsama 21:12

Chisha Mwenyezi Mlungu achienderera kugomba na Musa achimuamba, “Mutu achimpiga myawe achimuolaga, naye naaolagbwe.

Mathayo 5:39

Ela mino nakuambirani, mutu achikuhendera uyi usidziriphize. Mutu achikupiga ndzeya hino, mgaluzire yanjina nayo apige.

Arumi 12:19

Asena angu, msiriphize chisasi, ela mrichireni Mlungu atiye adabu atu anaokukoserani. Mana Mlungu mwenye anaamba mo mwakpwe Maandikoni, “Kuriphiza chisasi nirichirani, mimi ndariphiza.”

1 Athesalonike 5:15

Mutu naasiriphize, ela chila wakati nia zenu nazikale za kuhenderana manono mwi enye, na hata kpwa atu anjina.

1 Petero 3:9

Msiariphize anaokuhenderani mai, wala kualaphiza anaokulaphizani, ela ahendereni manono. Mana hivyo ndivyo Mlungu alondavyo muhende, ili akale andakujaliyani.

Maono 13:10

Mutu yeyesi yepangirwa kuhalwa mateka, ni lazima akale mateka. Na yepangirwa kuolagbwa na upanga, ni lazima aolagbwe na upanga. Phahi atu a Mlungu analondwa avumirire na kudina kukuluphira wakati wa mateso dza hinyu.

Maono 16:6

Mana atu ayi amwaga mlatso wa atakatifuo na manabiigo, nawe Bwana undaapha milatso anwe. Hivyo ndiyo adabu anayofwaha kuphaha.”