Mathayo 23:12 - Digo Bible

¹² Adzikpwezaye andatserezwa, na adzitserezaye andakpwezwa.

Mathayo 23:12 Iomraidhean Croise

Ayubu 22:29

Mana Mlungu nkuatsereza enye kudzikarya, ela nkutivya anaodzitsereza.

Zaburi 138:6

Dzagbwe Mwenyezi Mlungu ni mkpwulu, anajali anyonje, ela atu a roho mbii, nkuamanya kula kure.

Misemo 15:33

Kumuogopha Mwenyezi Mlungu kunafundza mutu akale na ikima, mutu achigbwa maguluni badaye andaishimiwa.

Misemo 29:23

Ngulu za mutu zindamʼbwaga, ela mwenye moyo wa kugbwa maguluni andaishimiwa.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Danieli 4:37

Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.

Mathayo 18:4

Yeyesi ndiyegbwa maguluni dza hiyu mwanache, hiye ndiye mkpwulu kahi za atu angu.

Mathayo 5:3

“Baha adzimanyao kukala ni agayi a chiroho, mana ufalume wa mlunguni ni wao.

Luka 14:11

Mana mutu yeyesi ndiyedzihenda muhimu, andatserezwa, na ndiyedzitsereza, andahendwa muhimu.”

Luka 18:14

Alafu Jesu achiaambira, “Nakuambirani kpweli, hiye mtoza kodi waswamehewa dambize na achikubaliwa ni Mlungu. Ela kpwa yuya Mfarisayo taiyakala hivyo. Kpwa mana chila adzikpwezaye andatserezwa, na adzitserezaye andakpwezwa.”

Jakobo 4:6

Ela Mlungu anahuonera mbazi zaidi. Ndiyo mana Maandiko ganaamba, “Mlungu anapinga anaodzikarya, na kuaonera mbazi a pole.”

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

1 Petero 5:6

Kpwa hivyo kalani atu apole anaodzitsereza tsini ya uwezo wa Mlungu naye andakuunulani wakatiwe uchifika.