Mathayo 16:18 - Digo Bible

¹⁸ Nami nakuamba, nindakuiha Petero. Atu ndionikuluphira, nindaahenda akale atu angu, nawe undakala ndiwe dziwe ra msingi. Na hata nguvu za kuzimu tazindaweza kurivundza kanisa rangu.

Mathayo 16:18 Iomraidhean Croise

Mwandzo 22:17

hakika nindakujaliya na nindahenda vivyazivyo vikale vinji sana dza viratu nyenyezi za mlunguni na dza viratu mtsanga wa pwani. Uvyazio undamiliki midzi ya maadui gao.

2 Samueli 18:4

Mfalume achiaambira, “Mgaonago manono mwenu matsoni ndigo ndagahenda.” Phahi mfalume achiima kanda ya ryango na hinyo atu achituluka kpwa makundi ga magana na maelufu.

Ayubu 38:17

Dze, wavugurirwa yo miryango ya chifo ko kpwako, au waonyeswa yo miryango ya kuzimu?

Zaburi 107:18

Asinywa ni chila aina ya chakurya, hata achikala a phephi na kufwa.

Zaburi 127:5

Baha mutu ariye na ana anji alume dza mutu ambaye ryakare ri tele mivi. Iye kandaifika, wakati anapholumbana na maaduige pho ryangoni.

Zaburi 129:2

“Hangu ni barobaro maadui gangu ganigayisa sana, ela taakaweza kuniturya.

Zaburi 69:12

Atu achisagala achibisha ananihadza mimi, anwadzi uchi nao anatunga mawira kuniimba mimi.

Zaburi 9:13

Nionera mbazi ee Mwenyezi Mlungu! Lola vira nigayiswavyo ni hinyo anizirao, nitivya kula kpwenye maryango ga chifo,

Misemo 24:7

Mzuzu kaweza kuelewa ikima, kaweza kutsangira rorosi phatu phenye mkpwutano.

Isaya 28:16

Kpwa sababu hiyo, Mwenyezi Mlungu anaamba hivi, “Lola, ninaika dziwe ra msingi hiko Sayuni, dziwe ambaro rapimwa. Dziwe ra pembeni ra samani ra kudzenga msingi urio imara. Yeyesi ndiyekuluphira kandaaibika.

Isaya 28:6

Andaapha aamuli moyo wa kulavya uamuli wa haki, na kuatiya nguvu anaokanira mudzi ryangoni.

Isaya 38:10

Mimi naamba, “Kpwa utu wani nikatirwe umuri? Ni turi yani niphiye kuzimu kabila sidzangbwekala mkare?”

Isaya 54:17

Chila silaha ndiyotengezwa kukupigira, taindafwanikiwa, na chila mutu ndiyeunuka kukushitaki, undamuamula. Uhu ndio urisi wa atumishi a Mwenyezi Mlungu na haki yao ilayo kpwangu,” Mwenyezi Mlungu anaamba.

Jona 2:6

Nazama tsini ya kolo za myango, nchendasindikirwa na maphungo ga tsi hata kare na kare. Ela uwe Mwenyezi Mlungu, Mlungu wangu uchiniusa tsona hai kula hiko kuzimu.

Mathayo 10:2

Higa ndigo madzina ga hara mitume kumi na airi. Kpwandza ni Simoni, ambaye dzina ranjina ni Petero, na nduguye Anderea, Jakobo mwanangbwa wa Zebedayo, na nduguye Johana,

Mathayo 11:23

Na mwi atu a Kaperinaumu, dze mundadzikarya hadi mfike mlunguni? Hata! Mundatserezwa hadi kuzimu, mana kalapho vilinje vyohenderwa mwimwi vyahendwa mudzi wa Sodoma, phahi mudzi hinyo ungekala uchereko.

Mathayo 18:17

Achirema kuaphundza, naambirwe afuasi ayae. Achikubali ni vinono, achirema kuaphundza, phahi mtsukurireni dza mutu ambaye si mmwenga wa atu a Mlungu.

Mathayo 4:18

Jesu ariphokala ananyendeka kanda-kanda ya Ziya ra Galilaya, waona ndugu airi a chilume, Simoni ambaye piya anaihwa Petero na nduguye Anderea. Atu hinya kala anatsupha chimia ziyani mana kala ni avuvi.

Mathayo 7:24

“Kpwa hivyo, chila mutu asikiraye higa maneno gangu na kugalunga andakala dza mutu wa ikima yedzenga nyumbaye dzulu ya mwamba.

Johana 1:42

Alafu Anderea wamreha Simoni kpwa Jesu. Jesu wamlolato Simoni achimuamba, “Uwe u Simoni mwanangbwa wa Johana. Hivi sambi undaihwa Kefa.” (Yani Petero).

Mahendo 2:47

kuno anamtogola Mlungu. Atu anji ahamirwa sana, na chila siku Mlungu warienjereza kundi rao na hara ambao kala achiokoka.

Mahendo 20:28

Phahi, rindani mioyo yenu na mmanyirire kundi rosi ra afuasi a Jesu ambaro Roho Mtakatifu wakuhendani aimirizi. Kalani arisa a atu a Mlungu, ambao waakombola na chifo cha mwanawe mwenye.

Mahendo 8:1

Naye Sauli waona sawa-sawa Stefano kuolagbwa. Siku iyo-iyo, kundi ra afuasi a Jesu hiko Jerusalemu raandza kuteswa sana, na osi achitsamukana kuphiya seemu za Judea na Samariya, siphokala hara mitume ndio ariosala.

1 Akorintho 15:55

“We chifo, ushindio u kuphi? We chifo, utsunguo u phaphi?”

Agalatia 2:9

Jakobo, Petero na Johana, ambao kala anamanywa kama ni vilongozi muhimu, akubali kukala nami Mlungu wajaliya kazi yangu. Hipho, ahupha mikono myangu ni Barinaba kuonyesa kala a tayari kuhenda kazi phamwenga naswi. Aho akubali kuhubiri kpwa Ayahudi, naswi kpwa atu asio kala Ayahudi.

Aefeso 3:10

Ela sambi Mlungu anahumira atue kuonyesa viumbe vyosi vitawalavyo na virivyo na uwezo hiko mlunguni vira arivyo na marifwa manji.

Aefeso 5:32

Maneno higa gana ukpweli uriodzifwitsa, mana ganahusu Jesu na atue.

Akolosai 1:18

Analongoza atu amukuluphirao dza viratu chitswa chilongozavyo mwiri. Ndiye chandzo cha maisha maphya ga atue. Tsona ni mkpwulu wa atu osi ndiofufulwa na kuishi hata kare na kare. Phahi Jesu ni mtawala mkpwulu wa chila chitu tsetsetse.

1 Timothi 3:15

Ela nchichelewa kpwedza, baruwa hino indakumanyisa vira ambavyo atu analondwa akale kahi za atu a Mlungu. Na atu a Mlungu ni kanisa ra Mlungu ariye moyo, naro ndiro nguzo na msingi wa kpweli.

1 Timothi 3:5

Mana ichikala mutu anashindwa kumanyirira nyumbaye, vyo kpweli andaweza kutundza atu a Mlungu?

Aeburania 12:28

Kpwa hivyo nahumshukuruni Mlungu kpwa kuhupha ufalume usiosumbisika. Na hivyo humuabudu kpwa njira imuhamirayo, kpwa unyenyekevu na ishima.

Maono 11:15

Phahi yuya malaika wa sabaa wapiga gundare. Alafu násikira sauti za kululu hiko mlunguni, ambazo kala zinaamba, “Uwezo wa kutawala dunia ukahalwa ni Bwana Mlungu wehu na hiye Ariyetsambulwa Kuokola Atu. Naye andatawala hata kare na kare.”

Maono 21:14

Na hinyo ukuta wa mudzi kala ukadzengbwa dzulu ya mawe kumi na mairi ga msingi. Na chila dziwe kala rikaandikpwa dzina ra mmwengawapho wa hara mitume kumi na airi a Mwana ngʼondzi.