Mathayo 15:28 - Digo Bible

²⁸ Hipho Jesu wamuamba, “Mayo, kuluphiroro ni kulu, navikale vyo ulondavyo.” Phapho hipho, mwanawe achiphola.

Mathayo 15:28 Iomraidhean Croise

Ayubu 13:15

Andaniolaga, nami sina kuluphiro, ela ndahehera mwendo wangu mbereze.

Ayubu 23:10

Ela iye anamanya yo njira niigbwirayo, ndiphokala akanipima, nindatuluka dza zahabu swafi.

Zaburi 145:19

Nkuatimizira haja zao osi amuogophao, tsona nkusikira chiriro chao na kuativya.

Sonono za Jeremia 3:32

Dzagbwe nkureha sonono, ela nkuonyesa mbazi, kulengana na mendzwaye nyinji isiyosika.

Mathayo 14:31

Jesu wagolosa mkpwono mara mwenga achimgbwira, chisha achimuamba, “Mutu usiyekuluphira, we! Kpwa utu wani ukakala na wasiwasi?”

Mathayo 15:27

Ye mchetu achiamba, “Ni kpweli Bwana, ela amba madiya nkurya pukupuku zigbwazo kula mezani pha matajiri gao.”

Mathayo 8:10

Jesu ariphomsikira, waangalala na achiaambira hara atu kala anamlunga-lunga achiamba, “Nakuambirani kpweli kukala sidzangbweona mutu ariye na imani dza ihi mumu tsi ya Iziraeli.

Mathayo 8:13

Naye Jesu achimuamba yuya mkpwulu wa jeshi, “Phiya vyako, na indakala uchivyoamini.” Naye mtumishiwe achiphola wakati uho.

Mathayo 9:22

Phahi ariphoguta nyo mutse wa nguwo, Jesu wagaluka, na ariphomuona yuya mchetu wamuamba, “Dzitiye moyo, mayo, kpwa sababu ya kunikuluphira, ukaphola.” Mchetu hiye achiphola phapho kpwa phapho.

Mariko 5:34

Jesu achimuamba, “Mayo, kpwa sababu ya kunikuluphira ukaphola. Phiya salama mana kundagaya tsona.”

Luka 17:5

Hara mitume achimuamba Jesu, “Hutiye imani zaidi.”

Luka 7:50

Ela Jesu achimuamba yuya mchetu, “Kuluphiroro rikakuokola, phiya salama.”

Luka 7:9

Jesu ariphosikira hivyo, waangalala sana; achiugalukira hura umati wa atu okala unamlunga-lunga, achiaambira, “Nakuambirani kukala sidzangbweona mutu ariye na imani kulu dza ihi mumu tsi ya Iziraeli.”

2 Athesalonike 1:3

Enehu swino ni lazima humshukuru Mlungu wakati wosi kpwa sababu yenu. Ni haki swiswi kuhenda hivyo mana munaenderera kumkuluphira Mlungu na mosi munamendzana zaidi.

1 Samueli 2:30

Kpwa sababu hiyo, Mwenyezi Mlungu, Mlungu wa Iziraeli, anaamba hivi, ‘Náahidi kpweli, nchiamba kukala nyumbayo na nyumba ya sowe indakala mbere zangu kunihumikira hata kare na kare,’ ela hivi sambi Mwenyezi Mlungu anakuamba hivi, ‘Dzambo hiri na rikale kure nami, ndaishimu anaoniishimu na ndabera anaonibera.’