Mathayo 13:52 - Digo Bible

⁵² Chisha Jesu achienjereza kuamba, “Kpwa hivyo, yeyesi amanyaye Shariya za Musa, na ambaye akamkuluphira Muokoli yela kpwa Mlungu ni dza mchina-nyumba alavyaye vitu vya kare na viphya kula chumbani aikamo vituvye vya samani.”

Mathayo 13:52 Iomraidhean Croise

Ezira 7:10

Ezira kala akakusudiya kpwa moyowe wosi kudzifundza na kulunga shariya ya Mwenyezi Mlungu na kuafundza atu malagizo na amuri za Mlungu ko Iziraeli.

Ezira 7:21

Nami mimi mfalume Aritashasita nalavya amuri kpwa aiki osi a hazina a jimbo ra ngʼambo ya muho Yufurati kukala chochosi ndicholonda mlavyadzi-sadaka Ezira, muandishi wa shariya ya Mlungu wa dzulu mlunguni, mupheni bila kusita-sita.

Ezira 7:6

Iye Ezira wakpwedza Jerusalemu kula Babeli, naye kala ni muandishi yekala anamanya sana shariya za Musa, ambazo zala kpwa Mwenyezi Mlungu, Mlungu wa Iziraeli na achiapha Aiziraeli. Naye mfalume wamupha rorosi arirovoya mana Mwenyezi Mlungu, Mlunguwe kala a phamwenga naye.

Misemo 11:30

Mwenye haki ni dza muhi uvyalao matunda ga uzima, na mutu ariye na ikima nkuvutia atu.

Misemo 15:7

Mromo wa mutu wa achili nkueneza marifwa, ela mzuzu kaweza.

Misemo 18:4

Maneno ga mutu ni dza chivwa cha bahari, na chisima cha ikima ni dza chidzuho chijeracho.

Wira wa Selemani 7:13

Mitungudza inatuluza kungu nono, na phehu miryangoni phana chila aina ya matunda manono, maphya na ga kare, ambago nkakuandazira uwe, wende wangu.

Mathayo 12:35

Mutu mnono nkutuluza manono kula kpwa akibaye nono na mutu mui nkutuluza mai kula kpwa akibaye mbii.

Mathayo 13:51

Dze, mambo gano gosi munagaelewa?” Nao achiamba, “Oho.”

Mathayo 13:53

Jesu ariphomala kugomba ndarira hizi, wauka

Mathayo 23:34

Nindakureherani manabii, atu okala na marifwa, na alimu; ela anjina mundaaolaga na anjina kuakota misumari msalabani. Piya anjina mundaachapa viboko mwenu masinagogini na kuagayisa chila mudzi.

Mathayo 28:19

Kpwa hivyo phiyani mkahende makabila gosi gakale anafundzi angu. Muabatize kpwa dzina ra Baba, ra Mwana, na ra Roho Mtakatifu,

Luka 11:49

Kpwa sababu ya higo, Mlungu wa marifwa waamba, ‘Nindakureherani manabii na mitume, ela mundaolaga anjina na anjina mundaagayisa.’

Johana 13:34

Nakuphani shariya nyiphya, nakuambirani: Mendzanani dza vyo nrivyokumendzani.

2 Akorintho 6:10

Hunasononeka, ela huna raha chila wakati. Hu achiya, ela hunatajirisha atu chiroho. Hunaonekana tahuna chitu, ela huna vyosi.

Aefeso 3:4

Mchisoma higo nrigoandika, mundaelewa vira nimanyavyo mpango wa siri kuhusu Jesu Muokoli.

Akolosai 1:7

Mwafundzwa ni Epafara, muhendadzi-kazi myawehu amendzwaye sana. Anamuhumikira Jesu kpwa uaminifu na anakuteryani.

Akolosai 3:16

Ririkanani kuhusu habari za Jesu ili zitawale maisha genu. Fundzanani na mkanyane kpwa marifwa manji. Imbani zaburi na mawira ga chiroho kumtogola Mlungu. Tsona mshukuruni mioyo kutsuka.

1 Timothi 3:6

Ni lazima asikale mfuasi yemkubali Jesu dzuzi-dzuzi, ili asedze akadzikutula kpwa ngulu na kuhukumiwa dza vira Shetani arivyohendwa.

Tito 1:9

Ni lazima agbwire ujumbe wa kpweli kama urivyofundzwa ili aweze kutiya moyo anjina kpwa mafundzo ga kpweli na kuonyesa hara apingao mafundzo higo makosa gao.