Maono 9:3 - Digo Bible

³ Alafu mo mosini mwatuluka ndzije achimwagikana duniani. Ahewa uwezo wa kupashira na kungʼata dza viratu visuse virivyo.

Maono 9:3 Iomraidhean Croise

1 Afalume 12:11

Ichikala baba wakuhikani mizigo miziho phahi mino ndakuhikani miziho sana. Baba wakutiyani adabu na vikoto, ela mino ndakutiyani adabu na mchira wa tala.”

2 Nyakati 10:11

Ichikala baba wakuhikani mizigo miziho phahi mino ndakuhikani miziho sana. Baba wakutiyani adabu na vikoto, ela mino ndakutiyani adabu na mchira wa tala.”

2 Nyakati 10:14

Mfalume Rehoboamu achilunga ushauri wa marikage, achiaambira, “Baba wakuhikani mizigo miziho, nami ndauhenda ukale mziho zaidi. Baba wakutiyani adabu na vikoto, ela mino ndakutiyani adabu na mchira wa tala.”

Isaya 33:4

Hukuvamia maadui gehu dza ndzije adide avamiavyo na kuhala zewe chila aricho nacho dza ipho ra ndzije riryavyo.

Ezekieli 2:6

Nawe uwe mwanadamu, usiaogophe, wala usitishirwe ni maneno gao. Dzagbwe vitisho vyao vikakuzunguluka dza vitsaka vya miya, avi u kahi-kahi ya visuse, ela usitishirwe ni maneno gao wala matso gao kpwa kukala ni aasi.

Joeli 1:4

Mimea iriyosazwa ni ipho ra ndzije yariwa ni ndzije akulu, iriyosazwa ni ndzije akulu ichiriwa ni ndzije adide, iriyosazwa ni ndzije adide ichimarigizwa ni fumbiri.

Joeli 2:25

Nami nindakuuyizirani miaka yosi iriyoriwa ni ndzije angu anji nrioahuma kpwedzarya mimea yenu: yariwa ni maipho ga ndzije akulu na ndzije adide, na ipho ra ndzije anjina na fumbiri.

Nahumu 3:15

Hata muhendedze mudzi wenu undaochwa na mwi enye muolagbwe kpwa upanga. Mwimwi mundaangamizwa dza viratu ndzije aryavyo mimea. Enjerezekani dza mabandzi, enjerezekani dza ndzije!

Nahumu 3:17

Arindzio ni dza mabandzi, na atumishi a mfalume wenu ni dza maipho ga ndzije gagbwago kutani siku ya mnyevu ela dzuwa richiala, aho nkuuruka akaangamika akakala taandaoneka tsona.

Luka 10:19

Phundzani! Nákuphani uwezo wa kuvyoga nyoka na visuse, na uwezo wa kuturya nguvu za adui Shetani. Takuna chochosi ndichokulumizani.

Kumbukumbu 8:15

Iye wakulongozani kutsapira rira jangbwa kulu na ra kutisha, renye nyoka zenye sumu na visuse, kpwenye tsi hira ya litsapi isiyokala na madzi. Achikutuluzirani madzi kula kpwenye mwamba mufu.

Maono 9:5

Hinyo ndzije ahewa uwezo wa kutesa atu kpwa miezi mitsano bahi, ela asiaolage. Nao utsunguwe kala ni dza viratu utsungu wa kupashirwa ni chisuse.

Maono 9:7

Hinyo ndzije kala a dza viratu farasi ario tayari kuphiya vihani. Mwao vitswani avwala vihunde dza viremba vya zahabu, na nyuso zao kala zikaigana na nyuso za anadamu.

Aamuli 7:12

Nyo Amidiani, Amaleki na atu kula mlairo wa dzuwa kala akamwagikana ko deteni dza ndzije. Ngamia aho kala taaolangika, akala anji dza mtsanga wa pwani.