Maono 7:12 - Digo Bible

¹² achiamba, “Amina! Mlungu wehu naatogolwe, naahewe nguma. Mshukuruni, naakale na marifwa, naaishimiwe, tsona naakale na uwezo wosi na nguvu hata kare na kare. Amina!”

Maono 7:12 Iomraidhean Croise

Nehemia 12:46

hangu wakati wa mfalume Daudi na muimbadzi Asafu, kpwakala na mangui ga kulongoza mawira ga kumtogola na kumlavira Mlungu shukurani.

Nehemia 12:8

Alawi ariouya phamwenga nao kala ni Jeshuwa, Binui, Kadimieli, Sherebia, Juda na Matania, ambaye, iye na ayae kala ni vilongozi a mawira ga kulavira shukurani.

Zaburi 100:4

Injirani mwakpwe maryangoni na shukurani injirani mwakpwe mihalani kuno munamtogola. Mshukuruni na mumtogole.

Zaburi 106:48

Naajaliwe iye Mwenyezi Mlungu, Mlungu wa Iziraeli, hangu kare na kare, hata kare na kare! Nao atu osi na aambe, “Amina!” Mtogoleni Mwenyezi Mlungu! Haleluya.

Zaburi 107:22

Naamlavira sadaka za shukurani, na atangaze mahendoge kpwa mawira ga raha!

Zaburi 116:17

Ndakulavira sadaka za shukurani na nivoye kpwa dzinaro uwe Mwenyezi Mlungu.

Zaburi 147:7

Muimbireni Mwenyezi Mlungu mawira ga shukurani, mpigireni ngephephe Mlungu wehu.

Zaburi 41:13

Naatogolwe Mwenyezi Mlungu, Mlungu wa Iziraeli, hangu kare na kare! Amina na Amina.

Zaburi 50:14

Mlavire Mlungu sadaka ya shukurani, na uuse hatizo kpwa Mlungu Ariye Dzulu Kuriko Vyosi,

Zaburi 72:19

Dzinare nono naritogolwe hata kare na kare dunia yosi naigote ngumaye. Amina, Amina!

Zaburi 89:52

Mwenyezi Mlungu na aajaliwe ta kare na kare! Amina na Amina.

Zaburi 95:2

Nahusengereni mbereze na mioyo iriyo tele shukurani, nahumshangilie na mawira ga kumtogola!

Isaya 51:3

Mana Mwenyezi Mlungu andaphoza marenda mudzi wa Sayuni, na chila phatu phokala gandzo, na andahenda weru wa mudzi hinyo ukale dza bustani ya Edeni, na jangbware rikale dza munda wa Mwenyezi Mlungu. Atu a himo andahererwa na kuhamirwa, sauti za shukurani na kuimba zindasikirwa kula mumo.

Jeremia 33:11

sauti za raha na kuhererwa, njerejere apigirwazo bwana na bibi arusi na sauti za aimbadzi wakati anareha sadaka za shukurani nyumbani mwa Mwenyezi Mlungu: “Mlavireni shukurani Mwenyezi Mlungu, Mlungu wa majeshi mana Mwenyezi Mlungu ni mnono, mana mendzwaye taisika ta kare na kare!”

Jeremia 33:9

Na mudzi uhu undanihenda niishimiwe, nikale na raha, nitogolwe na niphahe nguma mbere za mataifa ganjina gosi ga duniani, ndigosikira go mambo manono niahenderago na amani niaphayo.

Jona 2:9

Ela mimi nindakutogola na kanwa yangu. Nindakulavira sadaka na kuusa hizo naziri nrizoika, mana uwe Mwenyezi Mlungu ndiwe utivyaye.”

Mathayo 6:13

Usihuriche hukatiywa dambini ni Shetani, ela hutivye na ye mui.

Arumi 11:36

Mana Mlungu ndiye yeumba vitu vyosi kpwa uwezowe. Iye ndiye ahendaye vikaleko, na vi kuko kpwa sababuye. Mlungu naatogolwe ta kare na kare! Amina.

1 Akorintho 14:16

Uchimtogola Mlungu mwako rohoni macheyo, atu anjina ario hipho mkpwutanoni andawezadze kuamba “Amina” kpwa sababu ya shukuraniyo, ichikala kaelewere urichogomba?

2 Akorintho 4:15

Higa gosi ni kpwa fwaida yenu, ili mbazi za Mlungu zinaphozidi kufikira atu anji zaidi na zaidi, nao andalavya shukurani zaidi za kumtogola Mlungu.

Akolosai 2:7

Dinisani sana kumkuluphira Jesu, dza viratu muhi urivyo na mizi yophiya ndani na tauzuka bii. Namwi zidini kumkuluphira tsetsetse. Tsona dinisani kukuluphira kuhusu ukpweliwe muriofundzwa na chila wakati mshukuru.

Akolosai 3:17

Kpwa vira hu afuasi a Bwana Jesu, ni lazima chila chitu ndichohenda na gosi ndigogomba gakale kama alondavyo. Na chila wakati mshukuruni Baba Mlungu, kutsupira dzina ra Bwana wehu Jesu Masihi.

Juda 1:25

Kpwa sababu ya Bwana wehu Jesu Masihi nahumtogoleni Mlungu kpwa mana iye macheye ndiye Mlungu wa kpweli, na Muokoli wehu. Nahumlikeni kpwa kukala iye ni Mfalume Mkpwulu, ana nguvu na uwezo, ariokala nao hangu mwandzo, na andaenderera kukala nao hadi kare na kare! Amina.

Maono 1:18

Phundza, mimi ndimi uzima! Kala nkafwa ela vino ni mzima hata kare na kare! Na ndimi nriye na funguwo za Chifo na kuzimu.

Maono 19:4

Hara atumia mirongo miiri na a ne na hara viumbe vine agbwa chimabumabu achimuabudu Mlungu asegereye chihi cha chifalume. Navyo vyapiga kululu vichiamba, “Amina! Haleluya!”