Maono 4:7 - Digo Bible

⁷ Chiumbe cha kpwandza kala ni dza simba, cha phiri kala ni dza ndzau, cha hahu kala china sura dza mutu, nacho cha ne kala ni dza kozi riurukaro.

Maono 4:7 Iomraidhean Croise

Mwandzo 49:9

Juda, u dza simba makamo ambaye achimala kurya nyamawe, nikuuya phakpwe alalapho. Ukudziambalaza photsi dza simba. U dza simba marara, takuna awezaye kukuondosa.

2 Samueli 1:23

Sauli na Jonathani amendzwa na ahamira atu. Maishani wala chifoni taayatengbwa, akala epesi a mairo kuriko makozi gaurukavyo, akala na nguvu kuriko simba.

Misemo 28:2

Taifa ra fujo nkuzula vilongozi anji, ela mutu wa achili na marifwa nkuhenda tsi ikakala na amani.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

Ezekieli 1:10

Navyo kala vina sura za atu uphande wa mbere, sura za simba uphande wa kulume, sura za ndzau uphande wa kumotso na ko mongoni vyakala na sura za kozi.

Ezekieli 1:8

Tsini ya mapha gao pande zosi ne, kala vina mikono dza ya mwanadamu; navyo vyosi vine kala vina nyuso na mapha.

Ezekieli 10:14

Chila kerubi kala rina nyuso ne. Uso wa kpwandza kala ni wa ndzau, wa phiri kala ni wa mwanadamu, wa hahu kala ni wa simba na wa ne kala ni wa kozi.

Ezekieli 10:21

Chila kerubi kala rina nyuso ne, mapha mane na ndani ya mapha gao kala phana mikono dza ya mwanadamu.

Danieli 7:4

Ro ra kpwandza kala dza simba naro kala rina mapha dza ga kozi. Wakati nchere lola, maphage gauswa naro richiunulwa kula mtsangani richihendwa riime na magulu mairi dza mwanadamu na richihewa achili ya mwanadamu.

Obadiya 1:4

Mana Mwenyezi Mlungu anaamba kukala, ‘Hata ukauruka dzulu sana dza kozi au ukaika midziyo kahi-kahi za nyenyezi chisha nindakutsereza vivyo.’ ”

Isabu 23:24

Lolani nyo Aiziraeli anaunuka dza simba mchetu, anadziunula dza simba mlume, ambaye kaoya hadi aolage na arye nyama ya ye amuindzaye na kunwa milatsoye.”

Isabu 24:9

Andanyapa-nyapa na kupweka dza simba, dza simba mchetu, ni ani awezaye kumlamusa? Naabarikiwe yeyesi ndiyekubariki, na alaniwe yeyesi ndiyekulani.’ ”

1 Akorintho 14:20

Enehu, msiririkane mambo chanache. Maazo genu nagakale dza ga atu azima, ela kuhusu kuhenda mai, kalani dza ana atsanga.

Kumbukumbu 28:49

“Mwenyezi Mlungu andareha taifa kula kure rikushambuliye. Rindakpwedza kula pembe za dunia, na mwendo wa kasi dza kozi, taifa ambaro kurimanya lugaye.

Maono 4:6

Hipho mbere za chihi kala phana utu dza bahari ya chilolo, avi ni dziwe ra kungʼala-ngʼala. Hipho kahi-kahi kuzunguluka chihi cha chifalume kala phana viumbe vine. Navyo kala vina matso chila phatu.

Maono 6:3

Hiye Mwana ngʼondzi wagandula ukaka wa phiri. Ndipho nchisikira chira chiumbe cha phiri chinaamba, “Tuluka!”

Maono 6:5

Ndipho Mwana ngʼondzi wagandula ukaka wa hahu, nami nchisikira chira chiumbe cha hahu chinaamba, “Tuluka!” Nriphotsupha matso, náona farasi mwiru. Mutu yekala anamphirika kala ana pishi mkpwononi.

Maono 6:7

Mwana ngʼondzi ariphogandula ukaka wa ne, nchisikira chira chiumbe cha ne chinaamba, “Tuluka!”