Maono 4:3 - Digo Bible

^3-4 kala anameka-meka dza dziwe zuri ra rangi ya kodza itsi na ya kundu. Chihi hicho kala chikazungulukpwa ni likore rongʼala-ngʼala phamwenga na vihi vyanjina mirongo miiri na vine vya chifalume. Nao okala akasagarira vihi hivyo kala ni atumia mirongo miiri na a ne okala akavwala nguwo nyereru na viremba vyopambwa na zahabu.

Maono 4:3 Iomraidhean Croise

Kutsama 24:10

na achimuona Mlungu wa Iziraeli. Phakpwe maguluni kala phana utu dza mbarara ya mawe ga samani gaihwago yakuti. Kala phanangʼala dza ko mlunguni kurivyo.

Kutsama 28:18

Mraba wa phiri undakala na mawe gaihwago zumaridi, yakuti ya buluu na alimasi,

Kutsama 39:11

Msitari wa phiri kala una mawe gaihwago zumaridi, yakuti ya buluu na alimasi.

Isaya 6:1

Mwaka ariofwerera mfalume Uziya námuona Mwenyezi Mlungu. Námuona akasagarira chihiche cha utawala chirichounulwa naye kala a dzulu sana. Pindo ra vwazire kala rikagota nyumba yosi ya kuvoya Mlungu.

Ezekieli 1:26

Na dzulu ya nyo uringo naona chitu dza chihi cha endzi chotengezwa na dziwe ra samani ra rangi ya buluu na ariye chisagarira kala ana umbo ra mwanadamu.

Ezekieli 1:28

urioonekana dza likore wakati wa mvula. Uho kala ni mfwano wa utukufu wa Mwenyezi Mlungu. Nriphouona nádzibwaga chimabumabu, nami nchisikira mutu anagomba.

Ezekieli 10:1

Niriphotsupha matso, náona utu dza chihi cha endzi cha dziwe ra samani ra rangi ya buluu hipho dzulu ya utu dza uringo uriokala dzulu ya vitswa vya makerubi.

Ezekieli 28:13

Uwe wakala Edeni, bustani ya Mlungu, uchipambwa kpwa mawe ga samani ga chila aina: akiki, yakuti ya mandano, alimasi, zabarajadi, shohamu, jasipa, yakuti samawi, zumaridi, baharamani na mapambogo ga zahabu. Vyokala vikatengezwa kare siku uriyoumbwa.

Maono 10:1

Gariphosira higo, náona malaika wanjina wa uwezo anatserera kula mlunguni. Hiye malaika kala akazungulukpwa ni ingu na dzulu ya chitswache kala phana likore. Usowe kala unangʼala dza dzuwa, na maguluge kala ni dza nguzo ziakazo moho.

Maono 21:11

Mudzi hinyo kala una mwanga mkpwulu wa Mlungu, mana wakala unangʼala-ngʼala dza chilolo na dza dziwe ra samani kulu riihwaro jasipa.