Maono 3:19 - Digo Bible

¹⁹ Mimi nkudemurira na kutiya adabu atu niamendzao. Phahi kalani na chadi, na mriche dambi.

Maono 3:19 Iomraidhean Croise

2 Samueli 7:14

Mimi ndakala ise, naye andakala mwanangu. Achikosera, ndamtiya adabu dza mutu amtiyavyo mwanawe adabu na fwimbo, na mapigo ndigorehwa ni anadamu.

Ayubu 5:17

Lola, waajaliwa iye atiywaye adabu ni Mlungu, kpwa hivyo usireme kutiywa adabu ni ye Mwenye Nguvu Zosi.

Zaburi 39:11

Unaphomtiya adabu mutu kpwa kumdemurira kuhusu dambi ukubananga chila amendzacho dza lutswa ribanangavyo, kpwa kpweli mwanadamu ni dza mseho!

Zaburi 6:1

Ee Mwenyezi Mlungu, usinidemurire wakati ukareya, usinitiye adabu wakati ukatsukirwa!

Zaburi 69:9

Mana iyo mendzwa nriyo nayo kpwa sababu ya nyumbayo inanirya, na higo matusi ga hinyo anaokulaphiza gakanigbwerera.

Zaburi 94:10

Dze, ye anayetiya adabu mataifa ganjina, akale kandakutiyani adabu? Dze, ye aafundzaye anadamu, akale kana marifwa?

Misemo 15:10

Mutu aremaye njira ya sawa andatiywa adabu kali na mutu amenaye kukanywa andafwa.

Misemo 15:32

Mutu akosaye adabu anadzibera mwenye, ela mutu achikubali kukanywa anaenjereza achili.

Misemo 22:15

Moyo wa mwanache una uzuzu munji, ela fwimbo ya kumtiira adabu indawuusa wosi.

Isaya 26:16

Mwenyezi Mlungu, atuo ariphokala anagaya kpwa sababu unaatiya adabu, akuvoya sana.

Jeremia 10:24

Nirekebisha, ee Mwenyezi Mlungu, henda vivyo kpwa haki, usihende na tsukizi sedze ukaniangamiza.

Jeremia 2:30

Anao naatiya adabu bure, taalondere kurekebishwa. Mwimwi mwaolaga manabii genu enye kpwa upanga dza simba avwamukiravyo nyama wanjina.

Jeremia 30:11

Mana ni phamwenga nawe ili nikutivye, mimi Mwenyezi Mlungu nkaamba. Go mataifa ganjina gosi ambago kala nkakutsamula ndagaangamiza tsetsetse ela uwe sindakuangamiza. Sindakuricha bila kukutiya adabu, nindakutiya adabu kpwa haki.

Jeremia 31:18

Nkasikira Efuraimu anaula kuno anaamba, “Ukanitiya adabu dza mwana ndzau ambaye kadzangbwefundzwa kurima; nirekebisha niuye dza vyo kare, mana uwe u Mwenyezi Mlungu, Mlungu wangu.

Jeremia 7:28

Nawe undaambira, ‘Riri ni taifa ambaro tarimphundzire Mwenyezi Mlungu wala kukubali kurekebishwa, kpweli yaangamika nayo taimo tsona mwao kanwani.

Zefania 3:2

Mudzi usiosikira ra mutu, usiokubali kukanywa, usiomkuluphira Mwenyezi Mlungu, wala kumsengerera.

Mathayo 25:7

Phahi hara vyandama kumi alamuka achitayarisha taa zao.

Johana 2:17

Anafundzie ariphosikira hivyo, atambukira Maandiko gaambago, “Mendzwa nriyo nayo kpwa sababu ya nyumbayo indanirya.”

Arumi 12:11

Msikale avivu kuhenda kazi ya Mlungu, ela lungani vira Roho Mtakatifu alondavyo mumhumikire Bwana Jesu kpwa chadi.

1 Akorintho 11:32

Ela huchiamulwa ni Bwana, anahufundza njira nono ili husedze akahuamula phamwenga na atu asiomkuluphira Mlungu.

2 Akorintho 6:9

Atu anjina nkuhumanya na kuhukubali, ela anjina nkuhuhenda avi taahumanya. Huchere azima, ela anjina nkuhuona avi hunafwa. Anjina nkuhutiya adabu, ela tahufwa.

2 Akorintho 7:11

Hebu lolani fwaida mrizophaha kpwa sababu ya sonono ihamirayo Mlungu. Wakuhendani mkale atu a chadi, a juhudi ya kudzikanira, a kurema kamare machafu, a kuogopha Mlungu, a kuaza kuniona, a kudzilavya kpwa mendzwa ya atu anjina, na a kukala tayari kuona haki inahendeka. Na kpwa chila njira mkaonyesa kukala tamuna makosa katika dzambo hiro chirobishwa.

Agalatia 4:18

Ni vinono kuaza kuhenda mambo ambago niaye ni nono. Ni lazima muhende hivyo wakati wosi, hata ichikala sipho.

Kumbukumbu 8:5

Manyani mwenu mioyoni kukala Mwenyezi Mlungu, Mlungu wenu, anakutiyani adabu dza vira baba anavyomtiya adabu mwanawe.

Tito 2:14

Wadzilavya ili ahukombole na uyi wosi na ahutakase hukale atue mwenye, ario na hamu ya kuhenda manono.

Jakobo 1:12

Mutu ndiyevumirira majaribu na kushinda, andajaliwa na kuphaha zawadi ya uzima wa kare na kare. Mlungu walaga kuapha hinyu uzima wa kare na kare atu ammendzao.

Maono 2:5

Hebu tambukirani murivyonimendza sana na mtubu, na muhende gara mrigogahenda hipho mwandzo. Ela msiphotubu, hicho chombo cha kuikira taa hipho chiripho, ndakpwedza nchiuse.