Maono 20:11 - Digo Bible

¹¹ Chisha náona Mlungu asegere chihiche chikulu tsona chereru. Mlunguni na tsi kuchiyaya mbereze na takuyaonekana tsona.

Maono 20:11 Iomraidhean Croise

Mwandzo 18:25

Kpwa kpweli taifwaha kuolaga atu a haki phamwenga na atu ayi! Taiwezekana! Taifwaha kuhenda atu a haki sawa na atu ayi. Uwe u muamuli wa dunia yosi, kundakosa kuhenda haki.”

Ayubu 9:6

Iye asumbisaye dunia na kuyuusa kula phatuphe na kuhenda nguzoze zikakame.

Zaburi 102:26

Vyosi vindaangamika, ela uwe undadumu, vyosi vindatsakala dza nguwo. Uwe undavigaluza dza nguwo navyo tavindaparara,

Zaburi 47:8

Mlungu anatawala mataifa, Mlungu asegere dzulu ya chihiche chitakatifu cha endzi.

Zaburi 89:14

Chihicho cha endzi misingiye ni usawa na haki. Mendzwa isiyosika na uaminifu vi mberezo.

Zaburi 97:2

Maingu na chilungulungu cha jiza chikamzunguluka Msingi wa utawalawe ni haki na uamuli wa haki.

Isaya 6:1

Mwaka ariofwerera mfalume Uziya námuona Mwenyezi Mlungu. Námuona akasagarira chihiche cha utawala chirichounulwa naye kala a dzulu sana. Pindo ra vwazire kala rikagota nyumba yosi ya kuvoya Mlungu.

Danieli 2:35

Chisha cho chuma, nyo ulongo, shaba, feza na zahabu, vyosi vyavundzika vipande-vipande chivyamwenga, na vichikala dza wiswa wa phatu pha kuwagira wakati wa kazikazi. Phuto richedza richiuphepherusa nao tauyaonekana tsona. Ela ro dziwe kulu ro banda cho chizuka, ragaluka mwango mkpwulu na richiodzaza dunia yosi.

Danieli 7:10

Muho wa moho waandzira pho phakpwe chihini uchijera mbereze. Maelufu na maelufu ga atu kala ganamuhumikira na mamilioni ga atu kala gaimire mbereze. Koti kala i tayari kuamula na vitabu vichivugulwa.

Mathayo 11:22

Ela nakuambirani kukala siku ya hukumu mwimwi mundaphaha uamuli mkali kuriko ya atu a Tiro na Sidoni.

Mathayo 24:35

Dzulu mlunguni na dunia kundasika, ela maneno gangu tagana mwisho.”

Mathayo 25:31

Jesu waenderera kugomba achiamba, “Wakati mimi, Mutu Yela Mlunguni, ndiphouya na utukufu phamwenga na malaika osi, hipho ndipho ndiphosagarira chihi changu cha endzi cha utukufu.

Arumi 2:5

Ela kpwa sababu u chisoto na kukubali kukala una dambi, unadziikira adabu kali wakati uamuli wa haki ya Mlungu ndiphokala wazi.

2 Petero 3:7

Kpwa njira iyo-iyo ya nenore, Mlungu nkuhenda dzulu mlunguni na duniani hivi sambi vigodze, hadi ndiphoviangamiza na moho. Siku iyo ya uamuli, atu asiolunga malagizo ga Mlungu andaamulwa na kuangamizwa tsetsetse.

Maono 12:8

Ela ro dzoka na malaikae ashindwa na achikala taana nafwasi tsona hiko mlunguni.

Maono 16:20

Tsi iriphosumba chila chisuwa chichiangamika na chila mwango tauyaonekana tsona.

Maono 19:11

Hebu niphundzani! Náona mlunguni kuchifwenuka, nahenda hivi, nchiona farasi mwereru. Mutu yekala akapanda farasi anaihwa “Wa Haki na Wa Kpweli.” Naye nkuhukumu na kupigana viha kpwa ajili ya haki.

Maono 20:2

Phahi ye malaika warigbwira ro dzoka, yani yuyatu nyoka wa kare aihwaye Ibilisi au Shetani, achirifunga silisili na achiritsupha kuzimu. Pho mryangoni achiphafunga kufuli na kuphatiya ukaka, ili asedze akachenga tsona atu a mataifa ganjina gosi duniani. Naye Shetani andafungbwa miaka elufu mwenga. Bada ya muda hinyo kusira, ni lazima avugulwe kpwa muda mchache tu.

Maono 21:1

Higo gariphosira, náona mlunguni kuphya na dunia nyiphya, mana mlunguni kpwa kpwandza na dunia ya kpwandza kala ikaangamizwa, na kuchikala takuna bahari tsona.

Maono 21:5

Chisha yekala akasagarira cho chihi cha chifalume waamba, “Vivi sambi chila chitu nachihenda chiphya!” Piya achiniambira, “Gaandike higa, mana ni maneno ga kpweli na ga kukuluphirika.”

Maono 4:2

Gafula vivi nchikala ninalongozwa ni Roho, na phapho nchiona chihi cha chifalume ko mlunguni. Na iye achisagariraye

Maono 6:14

Hiko mainguni kpwakundzwa dza jamvi. Myango yosi na visuwa vyosi vyauswa mura mwatu virimo kala.