Maono 2:22 - Digo Bible

²² Kpwa hivyo nindamtiya mashaka ambago gandamuika chitandani. Na atu osi ambao anahenda naye udiya nindaagayisa sana isiphokala ariche kuhenda mahendoge mai.

Maono 2:22 Iomraidhean Croise

Jeremia 36:3

Mendzerepho atu a Juda ndiphosikira kuhusu mai gosi nipangago kuahendera andaricha uyi wao. Achihenda hivyo, mimi nindaaswamehe makosa gao na dambi zao.”

Ezekieli 23:29

Kpwa kukala anakumena andahala chila chitu urichophaha kpwa jashoro nao andakuricha chitsaha, muhuphu na waibu wa udiyao uikpwe wazi, uzembeo na umalayao.

Ezekieli 33:11

Aambire, ‘Kpwa kpweli dza niishivyo Mwenyezi Mlungu anaamba, sifwahirwa ni chifo cha mutu mui, ela ninahamirwa ni iye agalukaye, akaricha njiraze mbii na akale moyo. Richani njira zenu, richani! Kpwa utu wani mufwe mwi atu a Iziraeli?’

Zefania 3:7

Náamba hivi kuhusu atu a nyo mudzi, ‘Kpwa kpweli andaniogopha na kukubali kukanywa!’ Nao, angehenda vivyo, asingebanangbwa-banangbwa wala nisingeatiya adabu. Ela hamu yao kala ni kpwenderera kuhenda chila aina ya mambo mai.”

Luka 13:3

Si hivyo hata chidide! Nakuambirani kpweli, msiphotubu dambi zenu, mwimwi mosi mundafwa piya.

Luka 13:5

Si hivyo hata chidide! Nakuambirani kpweli, msiphotubu dambi zenu, mwimwi mosi mundafwa piya.”

2 Akorintho 12:21

Naogopha kukala ndiphokpwedza tsona, Mlungu andanihenda nione waibu mbere zenu. Na indabidi nisononeke kpwa sababu ya anji enu ambao bado taadzangbwetubu na kuricha dambi za uchafu, udiya na tamaa mbii arizohenda.

Maono 17:2

Afalume a dunia azinga naye, na atu a dunia nao akala akaayuswa ni nyo udiyawe dza mutu achiyelewa uchi.”

Maono 18:3

Mana atu a mataifa ganjina gosi anwa uchi mufu wa tamaa za udiyawe, na afalume a dunia akala akazinga naye. Na ahendadzi-bishara hipha duniani atajirika kpwa tamaaze mbii zisizo na miphaka.”

Maono 18:9

Na aho afalume a dunia ariozinga naye na kushiriki utajiriwe, andarira na kuusononekera nyo mudzi ndiphoona unafuka mosi.

Maono 2:5

Hebu tambukirani murivyonimendza sana na mtubu, na muhende gara mrigogahenda hipho mwandzo. Ela msiphotubu, hicho chombo cha kuikira taa hipho chiripho, ndakpwedza nchiuse.