Malaki 4:1 - Digo Bible

¹ Mwenyezi Mlungu, Mlungu wa majeshi anaamba, “Lola, siku iredza nayo indaaka dza moho mkali. Siku iyo atu asiojali na ayi osi andaochwa dza mibuwa mifu. Andaphya tsetsetse dza mihi iphyavyo na moho mkali isisale hata muzi wala panda.

Malaki 4:1 Iomraidhean Croise

Ayubu 18:16

Ko tsini miziye indauma, na dzulu, pandaze zindanyala.

Zaburi 119:119

Ayi osi duniani unaausa dza uchafu, kpwa hivyo mino namendza malagizogo.

Zaburi 37:9

Mana atu ahendao mai andaangamizwa, ela anaomkuluphira Mwenyezi Mlungu andarisi tsi.

Kutsama 15:7

Kpwa ukuluo wa nguma ukuangamiza akupingao, uwe uchitsukirwa u dza moho uochao, na ni kuocha maaduigo dza nyasi mbifu.

Isaya 40:24

Aho ni dza mbeyu ambayo ichiphandwa tu, kabila taidzangbwehenda mizi mtsangani, iye nkuavuvurira phepho akanyala, na chikulukulu nkuaphepherusa dza mibuwa ya kuuma.

Isaya 41:2

Ni ani ariyeunula mfalume kula mlairo wa dzuwa, mutu ambaye anaturya chila aphiyako? Iye nkutiya mataifa ganjina mwakpwe mikononi, na kuavyoga-vyoga afalume. Nkuahenda akale vumbi kpwa upangawe, na kpwa uhawe nkuahenda akale dza wiswa uchiophepheruswa.

Isaya 47:14

Lola, andakala dza mibuwa ichiyouma, nao andaochwa ni moho, taandaweza kudziokola na ruche ra moho, mana uho taundakala moho wa kuoha.

Isaya 5:24

Kpwa hivyo dza viratu moho uochavyo mibuwa mifu na nyasi zouma ziphyavyo na moho, mizi yao indaola na maruwa gao gandaphepheruswa dza vumbi. Mana akarema shariya ya Mwenyezi Mlungu, Mlungu wa majeshi na kubera neno ra Mtakatifu wa Iziraeli.

Isaya 9:18

Hakika uyi unaaka dza moho, unaocha vikpwata na miya, nkutiya moho tsaka rikaaka na kulavya mosi mziho uphiyao dzulu mlunguni.

Isaya 9:19

Tsukizi za Mwenyezi Mlungu, Mlungu wa majeshi zinaocha tsi na atu anakala avi ni kuni za hinyo moho. Atu anagalukirana enye kpwa enye

Ezekieli 20:38

Nami ndakusafishani kpwa kuausa aniasio na anikoserao kula kahi yenu. Dzagbwe ndaatuluza kula tsi anayosagala chijeni, taandainjira tsi ya Iziraeli. Ndipho mundamanya kukala mimi, ndimi Mwenyezi Mlungu.

Ezekieli 21:32

Uwe undakala kuni za nyo moho. Mlatsoo undamwagika kahi ya tsiiyo mwenye, nawe kundatambukirwa tsona, mana mimi Mwenyezi Mlungu nkaamba.’ ”

Ezekieli 24:11

Chisha bandika yo nyungu tuphu mohoni hata idobere na yo shaba ikole moho na zo nongo mo ndani zitsatsamuke na yo ngʼandu isire.

Ezekieli 34:17

“ ‘Ela mwimwi, murio chaa changu, Mwenyezi Mlungu anaamba hivi: Lola, ndaamula nyama osi akale ni ngʼondzi au mbuzi, maturume au ndenje.

Ezekieli 7:10

“Lolani, siku ikafika! Kuangamizwa kpwenu kukafika, uyi wenu ukatsephula na kudzikarya kpwenu kukabumula maruwa.

Joeli 2:1

Pigani gunda ko Sayuni; kotani kululu dzulu ya mwango wangu mtakatifu. Osi asagalao tsi ya Juda naakakame mana siku ya Mwenyezi Mlungu iredza nayo i phephi.

Joeli 2:31

Dzuwa rindagbwirwa rikale jiza na mwezi nao undagbwirwa ukale kundu dza mlatso, kabila siku kulu na ya kutisha ya Mwenyezi Mlungu kufika.

Amosi 2:9

Dzagbwe náangamiza Aamori tsetsetse kpwa sababu yenu, ambao vimo vyao kala ni dza mierezi, na enye mkpwotse dza mialoni.

Obadiya 1:18

Atu a chivyazi cha Esau andakala dza mibuwa mifu ela atu a chivyazi cha Jakobo na cha Yusufu indakala dza moho uakao. Nazo zindaocha atu a chivyazi cha Esau tsetsetse bila kusaza hata mutu mmwenga, mimi Mwenyezi Mlungu nkaamba.”

Nahumu 1:10

Dza miya ichiyolingana-lingana na mibuwa mifu, mwimwi alevi mundaochwa.

Zefania 1:14

Siku kulu ya Mwenyezi Mlungu i phephi, na iredza wangbwi sana. Indakala siku ya utsungu munji hata masujaa enye, andarira.

Zefania 1:18

Siku iyo ya tsukizi za Mwenyezi Mlungu, feza na zahabu zao tazindaweza kuaokola. Tsi yosi indaochwa na moho wa wivuwe. Osi asagalao mumo andaangamizwa gafula.

Zakariya 14:1

Phunguza, siku ya Mwenyezi Mlungu iredza uwe Jerusalemu, ambapho vituvyo virivyohalwa zewe vindaganywa kuno unalola.

Malaki 3:15

Sambi inaonekana kukala atu asiojali akabarikiwa. Atu ayi anaongokerwa na hata anaomjeza Mlungu, taahendeka rorosi.’”

Malaki 3:18

Na hipho ndipho mndiphoona tsona tafwauti kahi za ario na haki na ayi na tafwauti kahi za atu amuhumikirao Mlungu na asiomhumikira.”

Malaki 3:2

Ela ni ani awezaye kuvumirira iyo siku ya kpwedzakpwe? Au siku ndiphotuluka, ni ani awezaye kuima mbereze? Mana iye phahi ni dza viratu moho wa kueza vyuma, au sabuni iriyo na nguvu ya mfuli wa nguwo.

Malaki 3:3

Iye andasagala dza mutu anayehumira moho kutsusa feza na zahabu. Andatsusa Alawi dza feza na zahabu ili amlavire Mwenyezi Mlungu sadaka za sawa.

Malaki 4:5

Lolani nindamhuma nabii Elija edze kpwenu kabila ya iyo siku ya Mwenyezi Mlungu kpwedza. Siku iyo indakala kulu na ya kuogofya.

Mathayo 3:12

Iye ana lungore mkpwononi, naye andapheha nganu na aitiye chitsagani. Ela maphephe andagatsupha mohoni, moho usiofwa.”

Luka 19:43

Kundakpwedza wakati ambapho jeshi ra maadui genu rindauzungulusira lichigo mudzi wenu, asikarie akuzungulukeni na akupigeni kula chila uphande.

Luka 21:20

Alafu Jesu waamba, “Mchiona Jerusalemu ikazungulukpwa ni majeshi, phahi manyani i phephi na kuangamizwa.

Luka 6:23

“Phahi, siku mambo higo gachikuphahani, hererwani na mtinetine na raha, mana Mlungu wakuikirani zawadi kulu hiko mlunguni. Mana ndivyo akare aho arivyoahendera manabii pho kare.

2 Athesalonike 1:8

Andakpwedza na jimbijimbi ra moho, edze atiye adabu hara asioogopha Mlungu, na atu aremao habari nono kuhusu Bwana wehu Jesu Muokoli.

2 Petero 3:7

Kpwa njira iyo-iyo ya nenore, Mlungu nkuhenda dzulu mlunguni na duniani hivi sambi vigodze, hadi ndiphoviangamiza na moho. Siku iyo ya uamuli, atu asiolunga malagizo ga Mlungu andaamulwa na kuangamizwa tsetsetse.