Mahendo 7:42 - Digo Bible

⁴² Ela Mlungu wagaluka na achiaaricha aenderere kuabudu nyenyezi za mlunguni, kama vyoandikpwa ni manabii, achiamba: ‘Dze, mwanilavira sadaka za kuochwa na sadaka zanjina, yo miaka mirongo mine mriphokala ko jangbwani, mwi atu a nyumba ya Iziraeli?

Mahendo 7:42 Iomraidhean Croise

2 Afalume 17:16

Arema malagizo gosi ga Mwenyezi Mlungu, Mlungu wao. Atengeza vizuka vya milungu ya ana ngʼombe airi a madini ga kuyayushwa, achitengeza vizuka vya Ashera, achiabudu vitu vyosi virivyo mlunguni na achimuhumikira Baali.

2 Afalume 21:3

Wadzenga luphya mwatu mwa dzulu mwa kuabudu milungu, ambamo mwabanangbwa-banangbwa ni ise Hezekiya. Wadzenga phatu pha kulavira sadaka za kuabudira Baali na kutengeza chiguzo cha Ashera, dza vira Ahabu mfalume wa Iziraeli arivyohenda. Piya Manase waabudu na kuhumikira vitu vyosi vya mlunguni.

Zaburi 95:10

Kpwa miaka mirongo mine chivyazi hicho nachitsukirirwa, nchiamba, ‘Atu hano ni atu a maazo mai siku zosi, nao taamendze kulunga njira zangu.’

Isaya 43:23

“Kuyanirehera ana ngʼondzi akale sadaka za kuochwa, na kuyaniishimu na sadakazo za nyama. Siyakulazimisha kulavya sadakazo za mtsere, au kukuremweza kpwa kulonda ubani.

Isaya 63:10

Ela aasi achisononesa Roho Mtakatifu. Kpwa hivyo achigaluka kukala adui wao, naye achipigana nao.

Isaya 66:4

Phahi, nami ndaarehera mapigo, ndaarehera go agaogophago. Mana nriphoiha, taphana ariyeihika, nriphogomba, taphana mutu ariyephundza. Ahenda mai phangu matsoni, go gasigonifwahira ndigo arigotsambula kugahenda.”

Jeremia 19:13

Nyumba za Jerusalemu na madzumba ga afalume a Juda, yani nyumba zosi ambazo dzuluye atu afukizira uvumba vitu vyosi virivyo dzulu mlunguni na kumwaga sadaka za uchi milungu yanjina, vyosi vindakala najisi dza Tofethi.”

Jeremia 8:2

Nayo indatsamulwa ipigbwe ni dzuwa na mwezi na viumbe vyosi vya mlunguni, ambavyo avimendza na kuvihumikira, ambavyo avilunga na kuviabudu, nayo taindakusanywa na kuzikpwa ela indakala dza mavi pho photsi.

Ezekieli 20:25

Naaricha alunge malagizo ambago kala si manono na shariya ambazo tazingeapha uzima.

Ezekieli 20:39

“ ‘Ela mwimwi atu a Iziraeli, Mwenyezi Mlungu anaamba hivi: Chila mmwenga naakahumikire vizukavye na badaye mundaniphundza na tamundarinajisi tsona dzina rangu takatifu, kpwa zawadi zenu mzilavirazo vizuka vyenu.

Ezekieli 8:16

Chisha achinireha hadi muhala wa ndani wa nyumba ya Mwenyezi Mlungu. Na pho mryangoni pha kuinjirira nyumba ya kuvoya Mlungu, kahi-kahi ya baraza na phatu pha kulavira sadaka, kala phana atu kama mirongo miiri na atsano, achiolozera kogo yo nyumba, na nyuso zao akaziloza mlairo wa dzuwa, nao kala anariabudu ro dzuwa.

Hosea 4:17

Richanani na atu a Efuraimu, mana aho akagbwirana na vizuka.

Johana 6:45

Manabii aandika achiamba, ‘Atu osi andafundzwa ni Mlungu.’ Yeyesi aphundzaye na kudzifundza kula kpwa Baba, nkpwedza kpwangu.

Mahendo 13:40

Phahi dzimanyirireni sedze mkaphahwa ni higo gogombwa ni manabii:

Mahendo 7:36

Iye ndiye ariyetsamiza Ayahudi kula Misiri na achihendera vilinje na maajabu ariphokala Misiri na hiko Bahari ya Shamu, na ariphokala weruni miaka mirongo mine.

Kumbukumbu 17:3

naye akaphiya na kuhumikira milungu yanjina na kuiabudu, achiabudu dzuwa, mwezi au vitu vyanjina vya mlunguni ambavyo nakahaza visiabudiwe,

Kumbukumbu 4:19

Dzimanyirireni ndipholola mlunguni na kuona dzuwa, mwezi, nyenyezi na vitu vyosi, sedze mkaaza kuviabudu na kuvihumikira. Vitu hivyo Mwenyezi Mlungu, Mlunguo akavirichira atu anjina osi duniani.

Aeburania 3:9

Mana hiko anijeza na kunipima, hata dzagbwe aona nrivyoahenda kpwa miaka mirongo mine.

Joshuwa 24:20

Muchimricha Mwenyezi Mlungu na kuhumikira milungu ya chijeni, andakutiyani adabu na kukuangamizani tse, hata dzagbwe wakuhenderani manono higo gosi.”