Mahendo 13:36 - Digo Bible

³⁶ Daudi wamhumikira Mlungu wakati wa uzimawe, alafu wafwa na achizikpwa vikurani pha akaree, na mwiriwe uchiola.

Mahendo 13:36 Iomraidhean Croise

Mwandzo 3:19

Undarya jashoro, hadi ndiphofwa na kukala mitsanga tsona, kpwa mana wala mtsangani. Uwe waumbwa na mitsanga na mtsangani undauya.”

2 Samueli 7:12

Sikuzo zichifika nawe uchifwa na kuzikpwa phamwenga na akareo, ndakuunurira mwanao, mmwengawapho wa anao mwenye, nami ndauhenda ufalumewe ukale imara.

1 Afalume 2:10

Daudi wafwa na achizikpwa kahi za mudziwe, urioihwa mudzi wa Daudi.

1 Nyakati 11:2

Hipho kare Sauli ariphokala anahutawala, uwe ndiwe uriyelongoza Aiziraeli kuphiya vihani na Mwenyezi Mlungu, Mlunguo achikuamba, ‘Uwe undakala mrisa wa atu angu Iziraeli, chisha undakala mtawala wao.’ ”

1 Nyakati 17:11

Sikuzo zichifika nawe uchifwa na kuzikpwa phamwenga na akareo, ndakuunurira mwanao, mmwengawapho wa anao mwenye, nami ndauhenda ufalumewe ukale imara.

1 Nyakati 18:14

Phahi Daudi watawala atu osi a Iziraeli, achiaamulato na kuahendera haki atue osi.

1 Nyakati 29:28

Wafwa mutu mtumia wa miaka ya kutosha, akashiba siku, mali na ishima. Naye mwanawe Selemani watawala badalaye.

2 Nyakati 12:16

Rehoboamu wafwa, achizikpwa kpwenye Mudzi wa Daudi na mwanawe Abija achitawala badalaye.

2 Nyakati 21:1

Phahi, Jehoshafati wafwa, na achizikpwa na akaree kpwenye mudzi wa mkarewe Daudi, na mwanawe Jehoramu achitawala badalaye.

2 Nyakati 26:23

Uziya wafwa na achizikpwa phephi na akaree kpwenye vikura vya afalume kpwa sababu atu kala anaamba, “Yuyu ana mahana.” Naye mwanawe Jothamu achitawala badalaye.

2 Nyakati 9:31

Mwisho, Selemani wafwa na achizikpwa vikurani pha akaree kahi za Mudzi wa Daudi. Mwanawe Rehoboamu achitawala badalaye.

Ayubu 17:14

Ichikala nindaiha mbira, ‘Uwe u baba,’ na kuamba bulu, ‘Uwe u mayo’ au ‘Uwe u mwenehu mchetu,’

Ayubu 21:26

Osi nkulala mtsangani na kubwiningizwa ni mabulu.

Zaburi 49:14

Andaphirikpwa kuzimu dza mangʼondzi, chifo chindakala avi ni mrisa wao, andatserera mbirani mwenga kpwa mwenga, miri yao indaola kuko, kuzimu kundakala makalo gao.

Zaburi 49:9

kumuhenda aenderere kukala moyo hata kare na kare bila ya kuona kaburi.

Mathayo 25:16

Mara mwenga yuya yephokera mifuko mitsano waandza bishara nayo, naye achiphaha mifuko mitsano zaidi.

Johana 11:39

Jesu achiamba, “Riuseni ro dziwe.” Maritha, ndugungbwa wa ye mufwa, achimuamba, “Bwana, hangu azikpwe rero ni siku ya ne, ro dziwe richiuswa ela phandakalika phano?”

Mahendo 13:22

Na Mlungu ariphomuusa Sauli, wamuika Daudi akale mfalume. Mlungu wagomba maneno manono kuhusu Daudi, achiamba, ‘Daudi mwana wa Jese anafurahisha moyo wangu; ni mutu ambaye andahenda chila chitu nilondacho.’

Mahendo 2:29

“Enehu, nakuhakikishirani kuhusu mkare wehu Daudi. Iye wafwa, achizikpwa na mbiraye i mumu hata rero.

Mahendo 20:27

Mana nákutangazirani mambo gosi ambago Mlungu wapanga kuhenda.

Mahendo 7:60

Alafu wachita mavwindi na achipiga kululu, achiamba, “Bwana Mlungu, aswamehe kpwa kuhenda dambi hino.” Bada ya kugomba hivyo, achifwa.

Mahendo 8:1

Naye Sauli waona sawa-sawa Stefano kuolagbwa. Siku iyo-iyo, kundi ra afuasi a Jesu hiko Jerusalemu raandza kuteswa sana, na osi achitsamukana kuphiya seemu za Judea na Samariya, siphokala hara mitume ndio ariosala.

1 Akorintho 15:18

Nao atu ariofwa na kuno anamkuluphira Jesu, aangamika.

1 Akorintho 15:6

Bada ya hipho watsembukira zaidi ya afuasi magana matsano chivyamwenga, ambapho anji aho achere azima, ela anjina afwa.

1 Athesalonike 4:13

Enehu, hunalonda mmanye ukpweli kuhusu afuasi a Jesu ariofwa, ili msisononeke dza atu asioamini kukala andafufuka.