Mahendo 12:24 - Digo Bible

²⁴ Ela atu anji asikira habari za Jesu, na afuasi aenjerezeka sana.

Mahendo 12:24 Iomraidhean Croise

Misemo 28:28

Atu ayi achitawala atu nkuchimbira achadzifwitsa, ela achiuka mamlakani, enye haki nkuenjerezeka.

Isaya 55:10

Dza mvula inyavyo na barafu igbwavyo kula mlunguni, na isiuye tsona dzulu, ela nkuihenda tsi ikalwama na ivyale, na kuapha mbeyu akurima na chakurya atu angu,

Danieli 2:24

Kpwa hivyo Danieli waphiya kpwa Arioko, ariyekala akatsambulwa ni mfalume aolage enye ikima a Babeli achimuamba, “Usiaolage nyo enye ikima. Niphirika kpwa mfalume nami ndamuambira mana ya yo ndosoye.”

Danieli 2:44

Na wakati uho wa afalume aho Mlungu wa mlunguni andaandzisha ufalume ambao taundavundzwa, wala taundarichirwa atu anjina. Ufalume uho undavundza-vundza falume zizi zosi nao undakala ta kare na kare.

Mathayo 16:18

Nami nakuamba, nindakuiha Petero. Atu ndionikuluphira, nindaahenda akale atu angu, nawe undakala ndiwe dziwe ra msingi. Na hata nguvu za kuzimu tazindaweza kurivundza kanisa rangu.

Mahendo 11:21

Mlungu waajaliya achiapha uwezo, na kundi kulu ra atu ragaluka na richimkuluphira Jesu.

Mahendo 19:20

Phahi kpwa sababu hiyo, neno ra Mlungu raenea sana na richiphaha nguvu.

Mahendo 5:39

Ela ichikala mambo higa gala kpwa Mlungu, tamundaweza kuazuwiya, richirosala mundadzikuta munashindana na Mlungu.” Hipho, hara angambi akubali maneno ga Gamalieli.

Mahendo 6:7

Hipho, atu anji zaidi asikira habari za Jesu, na afuasi aenjerezeka sana hiko Jerusalemu. Tsona, kundi kulu ra alavyadzi-sadaka a dini ya Chiyahudi achilunga mafundzo kuhusu Jesu na achimkuluphira.

Akolosai 1:6

Hizi habari nono ambazo zarehwa kpwenu zinagota chila phatu duniani. Zinagaluza maisha ga atu anji ili aishi maisha ga kumuhamira Mlungu. Piya zinagaluza maisha genu, kuandzira siku ya kpwandza mriphosikira na kuelewa chingʼangʼa Mlungu arivyo na mbazi.

2 Athesalonike 3:1

Chimarigizo, enehu nakuambirani mhuvoyere ili neno ra Mlungu rigote upesi na kuphokerwa na ishima dza ko kpwenu.