Luka 6:35 - Digo Bible

³⁵ Ela amendzeni maadui genu na ahendereni manono. Aaphaseni wala msikale na tamaa ya kuriphiwa. Namwi mundatuzwa vinono na mundakala ana a Mlungu wa Uwezo wosi. Mana Mlungu nkuaonera mbazi atu asioshukuru na ayi.

Luka 6:35 Iomraidhean Croise

Zaburi 112:5

Manono gandamwedzera iye ariye na mbazi na aaphasaye atu, ahendaye mamboge kpwa njira ya haki.

Zaburi 145:9

Mwenyezi Mlungu ni mnono kpwa osi, na ana mbazi na vyosi arivyoumba.

Zaburi 37:26

Wakati wosi analavya moyo mmwenga na kuaphasa anjina na anae andakala baraka.

Zaburi 58:11

Atu andaamba, “Kpwa kpweli atu a haki andaphaha tuzo, hakika phana Mlungu anayeamula hipha duniani.”

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

Misemo 22:9

Mutu wa mbazi andabarikiwa, mana anaganyira achiya chakuryache.

Mathayo 5:9

Baha apatanishao atu, mana andaihwa ana a Mlungu.

Mariko 5:7

Chisha pepho ariyekala ndani ya yuya mutu wakota kululu achiamba, “Jesu, Mwana wa Mlungu Ariye Dzulu Zaidi, unamini? Lapha kukala kundanigayisa!”

Luka 1:32

Naye andakala mkpwulu na andaihwa mwana wa Mwenyezi Mlungu. Bwana Mlunguo andamuhenda mfalume dza mkarewe Daudi.

Luka 6:36

Phahi, kalani na mbazi dza Sowe yenu ariye mlunguni arivyo.”

Johana 13:35

Ichikala mundamendzana, chila mmwenga andamanya kukala mu anafundzi angu.”

Johana 15:8

Anafundzi angu a chikpweli-kpweli nkuvyala matunda manji. Kpwa sababu iyo atu andamanya Baba arivyo mkpwulu.

Mahendo 14:17

ela kadzangbwericha kuonyesa atu kala a kuko, mana nkuhenda manono. Nkukureherani mvula kula mlunguni na mavuno wakati wa sawa. Piya nkukuphani vyakurya vya kutosha na raha mwenu mioyoni.”

2 Akorintho 8:9

Mana mnamanya mbazi za Bwana wehu Jesu Masihi. Hata dzagbwe kala ni tajiri, ela waricha utajiri wosi na achikala mchiya kpwa ajili yenu, ili kpwa kutsapira uchiyawe, mwimwi mphahe kukala matajiri.

2 Timothi 3:2

Mana atu andadzimendza, andamendza pesa, andakala na ngulu, na andadziona muhimu kuriko anjina. Andalaphiza ovyo ovyo, taandaogopha avyazi ao, tsona andakala atu asio na shukurani na asiomuogopha Mlungu.