Luka 20:11 - Digo Bible

¹¹ Alafu mchina-munda wahuma mtumishi wanjina, ela naye ampiga, achimuhenda mambo ga waibu na achimuusa mikono mihuphu.

Luka 20:11 Iomraidhean Croise

Hosea 10:1

Aiziraeli akala dza mzabibu uriowanda vinono, uvyalao zabibu kpwa unji. Dza zabibu zirivyoenjerezeka, ndivyo arivyoenjereza mwatu mwa kulavira sadaka. Dza tsi yao irivyoenjerezeka kukala tajiri, ndivyo arivyozidi kupamba zo nguzo za kuabudira.

Mariko 12:4

Alafu mchina-munda wahuma mtumishi wanjina. Nao hara ariokodisha hura munda, ampiga, achimlumiza chitswa na achimuhenda mambo ga waibu.

Luka 20:10

Wakati wa kuvuna zabibu uriphofika, mchina-munda wahuma mtumishiwe aphiye kpwa hara ariokodisha mundawe ili akahewe fungure ra mavuno. Ela hara ariokodisha hura munda ampiga na achimuuyiza mikono mihuphu.

Luka 20:12

Yuya mchina-munda achihuma mutu wa hahu. Hiye naye ampiga na achimlumiza, chisha achimtsupha kondze ya munda.

Mahendo 7:52

Dze, ni nabii yuphi ambaye akare enu taayamgbwayisa? Piya aolaga ahumwa ambao atabiri kpwedza kpwa mutu asiye na lawama wala makosa, ambaye mwimwi mwamsalata na mchimuolaga vi dzuzi-dzuzi.

1 Athesalonike 2:2

Mnamanya hurivyohenderwa mambo mai na kulaphizwa ni atu a mudzi wa Filipi na vira hurivyogaya hiko kabila ya kpwedza kpwenu. Ela Mlungu wahupha nguvu za kutangaza nenore bila wuoga, hata dzagbwe kala hukazangirwa ni hinyo ariohupinga.