Luka 12:58 - Digo Bible

⁵⁸ Mutu achikala anakuphirika kotini, henda chadi murye suluhu mo njirani, asedze akakuguruta hata kpwa muamuli, naye muamuli akakulavya kpwa asikari, nao asikari akakutiya jela.

Luka 12:58 Iomraidhean Croise

Ayubu 22:21

Kubaliana na Mlungu, ili ukale na amani, kpwa njira iyo uongokerwe.

Ayubu 23:7

Phapho mutu asiye na ila angelumbana naye, nami ningephahikana sina kosa, na ningeikpwa huru ta kare na kare.

Zaburi 32:6

Kpwa hivyo chila ariye muaminifu naakuvoye wakati unaphahikana, tabu ziunukapho dza mafuriko, tazindamfikira.

Zaburi 50:22

Gatiyeni manani gaga, mwi myalao Mlungu, sedze nikakumwamulani mkakosa mutu wa kukutivyani!

Isaya 55:6

Muendzeni Mwenyezi Mlungu, wakati achere phahikana, muiheni wakati achere phephi.

Mathayo 18:30

Ela ye warema, achendamtiya jela myawe hadi ndiphoripha rira denire.

2 Akorintho 6:2

Kpwa mana Mlungu anaamba, “Wakati uriofwaha, nákuphundza, na siku ya kuokoka nchikuterya.” Phahi, uhu ndio wakati unaofwaha, na rero ndiyo siku ya kuokoka!

1 Petero 3:19

Na kpwa uwezo wa ye Roho achiphiya kuriko na maroho ga atu a kufwa garigofungbwa, achendagasemurira habari za Mlungu.

2 Petero 1:15

Ndahenda niwezavyo, niike mambo higa wazi kpwenu ili mgatambukire bada ya kukala nkafwinya matso.

Juda 1:3

Asena angu, nákala na mpango wa kukuandikirani kuhusu wokofu hunaoshiriki phamwenga. Ela náona ni lazima nikuandikireni kukutiyani moyo ili mrinde mafundzo ga habari nono kuhusu Jesu. Hizo habari, Mlungu wazilavya kpwa atakatifue, nazo zinatosha siku zosi.

Maono 20:7

Bada ya miaka elufu mwenga kusira Shetani andarichirwa hiko ndikokala akafungirwa.